गरिबांच्या फ्रिजला कोरोनाची बाधा...!: उदगीर

गरिबांच्या फ्रिजला कोरोनाची बाधा...!
उदगीर : कोरोना विषाणूचा प्रादुर्भाव वाढू नये यासाठी लॉकडाऊन जाहीर केल्यामुळे सर्व व्यवहार ठप्प झाले आहेत. याचा परिणाम गरीबाचा फ्रिज म्हणून ओळखल्या जाणाऱ्या मातीच्या माठाच्या विक्रीवरही झाला असून यामुळे या व्यवसायावर अवलंबून असणाऱ्या कुटुंबाची उपासमार होत आहे.
उन्हाळा आला की सामान्य माणूस थंड पाणी पिण्यासाठी मातीपासून बनविलेल्या माठाची खरेदी करण्यासाठी गर्दी करतात, पण सध्या सुरू झालेल्या लॉकडाऊनमुळे या गरीबाच्या फ्रिजलाही कोरोनाची बाधा झाली असून या माठाची विक्रीच थांबली आहे. कोरोनाचा प्रादुर्भाव वाढू नये यासाठी सरकारने संचारबंदी लागु केली. त्यामुळे जीवनावश्यक वस्तूची दुकाणे वगळता सर्व प्रतिष्ठाने बंद ठेवण्याचा आदेश सरकारने काढला. शिवाय जनतेला रस्त्यावर येण्यासाठी निर्बन्ध लावण्यात आले आहेत. 
मातीच्या माठाची विक्री ही रस्त्यावरच केली जाते. गेल्या पंधरा दिवसापासून रस्त्यावर येण्यास बंदी असल्याने ग्राहकच येत नाहीत या माठाची विक्री करणारे व्यापाऱ्यांची अडचण झाली आहे.
उदगीर शहरात सध्या दरवर्षी पोलीस स्टेशनच्या समोर हे व्यापारी बसून असतात पण सध्याच्या परिस्थितीमुळे हे व्यापारीही घरातच बसून असल्याने याचा परिणाम त्यांच्या दैनंदिन जीवनावर होत आहे.
मातीच्या माठाचा व्यापार करणारे गोरख रुईकर यांनी सांगितले की, मेहनत करून माठ बनवून विक्रीला आणले होते, परंतु सध्याच्या परिस्थितीमुळे माठाची विक्री चक्क थांबली आहे. आपले सहा सात माणसाचे कुटुंब असून पुढचा काळ कसा घालवायचा याची चिंता लागल्याचे सांगितले.


Popular posts
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
उदगीरात महिला बचत गटातील सदस्यांचे आर्थिक साक्षरता प्रशिक्षण शिबीर संपन्न नगर परिषदेच्या उपक्रम: जागतिक महिला दिनाचे औचित्य
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image