उदगीरात आज चार नवे कोरोनाचे रुग्ण: एकूण सात बाधितावर उपचार

उदगीरात आज चार नवे कोरोनाचे रुग्ण: एकूण सात बाधितावर उपचार


लातूर : कोरोनाबाधित वयोवृद्ध मयत महिलेच्या संपर्कातील चार जणांचे अहवाल बुधवारी पॉझिटिव्ह आले असून, उदगीरच्या सामान्य रुग्णालयात आता एकूण ७ पॉझिटिव्ह रुग्णांवर उपचार सुरू आहेत. आजपर्यंत मयत महिलेसह उदगीरमध्ये एकूण ८ जणांना लागण झाली आहे. त्याचवेळी एकट्या उदगीरमधून घेतलेल्या १०५ स्वॅबपैकी मयत महिलेच्या संपर्कातील ९८ अहवाल निगेटिव्ह आले आहेत. 


बुधवारी १६ स्वॅब तपासणीसाठी आले होते. त्यातील १५ निगेटिव्ह व एक पॉझिटिव्ह आला, तर २८ एप्रिल रोजी तपासणी झालेले व प्रलंबित राहिलेले तीन अहवालही आले असून, ते पॉझिटिव्ह आहेत. या संदर्भात विलासराव देशमुख शासकीय वैद्यकीय विज्ञान संस्थेचे अधिष्ठाता डॉ. गिरीश ठाकूर म्हणाले, आतापर्यंत बाधित वृद्ध महिलेच्या मृत्यूनंतर उदगीरमधून आलेले एकूण १०५ स्वॅब तपासले आहेत. पहिल्या टप्प्यात २६ स्वॅब घेतले होते. त्यातील २१ निगेटिव्ह आले. ३ पॉझिटिव्ह आले. तर दोन स्वॅब पुनर्तपासणीला पाठविले. तसेच वैद्यकीय कर्मचारी व डॉक्टरांचे ३० स्वॅब तपासले, तेही सर्व निगेटिव्ह आले. तद्नंतर दुसºया टप्प्यात महिलेच्या संपर्कातील कुटुंबीय व इतरांचे ३५ स्वॅब घेण्यात आले. त्यातीलही ३२ अहवाल निगेटिव्ह आले, तर तीन प्रलंबित होते. सदर प्रलंबित असलेले तिन्ही अहवाल बुधवारी प्राप्त झाले असून, ते पॉझिटिव्ह आहेत. तसेच पुनर्तपासणी केलेल्यांपैकी एक अहवाल पॉझिटिव्ह तर एक निगेटिव्ह आहे. 


उदगीरच्या सामान्य रुग्णालयात एकूण ७ बाधितांवर उपचार सुरू असून, सर्वांची प्रकृती चांगली असल्याचे जिल्हा शल्य चिकित्सक डॉ. संजय ढगे यांनी सांगितले. तर जिल्ह्यातील एकूण ३७२ स्वॅबची तपासणी करण्यात आल्याची माहिती विषाणू संशोधन व निदान प्रयोगशाळेचे प्रमुख डॉ. विजय चिंचोलकर यांनी दिली. आजाराची लक्षणे असणाºयांनी व बाधितांच्या संपर्कात आलेल्यांनी तपासणी करून घ्यावी, असे आवाहन वैद्यकीय अधीक्षक डॉ. संतोषकुमार डोपे यांनी केले आहे.


Popular posts
संवेदना दिव्यांग औद्योगिक प्रशिक्षण संस्थेच्या वतीने 14 जूनला उदगीरात आयटीआय प्रवेश मार्गदर्शन मेळाव्याचे आयोजन
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image