मरेपर्यंत २४ तास सेवेत राहीन - अभय साळुंके

मरेपर्यंत २४ तास सेवेत राहीन - अभय साळुंके 

निलंगा/प्रतिनिधी: निलंगा विधानसभा मतदारसंघ निवडणूक प्रचाराच्या निमित्ताने निलंगा तालुक्यातील मौजे मसलगा येथे कॉग्रेस महाविकास आघाडी चे उमेदवार अभय साळुंके यांनी दि. ३ नोव्हेंबर रोजी ग्रामस्थांशी संवाद साधताना मरेपर्यंत २४ तास जनतेच्या सेवेत राहीण अशी भावनिक साद घातली. मसलगा येथील छत्रपती शिवाजी महाराज यांच्या पुतळ्यास पुष्पहार घालून अभिवादन करून ग्रामदैवत हनुमानरायाचे मनोभावे दर्शन घेतले. तसेच यावेळी मसलगा गावातील तरुणांनी अभय साळुंके यांच्या नेतृत्वावर विश्वास ठेवून काँग्रेस पक्षात प्रवेश केला. त्यांचे स्वागत करून पुढील वाटचालीसाठी शुभेच्छा दिल्या. निलंगा पंचायत समिती चे माजी सभापती अजित माने, बसपुर चे चेअरमन गंगाधर चव्हाण, नूर पटेल, विकास पाटील, भगवान पाटील, श्रीकांत साळुंके, बब्रुवान जाधव, हणमंत पाटील, अक्षय पाटील आदी कॉग्रेस च्या प्रमुखांची उपस्थिती होती.

सत्ताधाऱ्यांना गावात जाण्यासाठी साधा रस्ता करता आला नाही, तो गेली अनेक वर्षांपासून प्रलंबित आहे. गावची अनेक कामे अपूर्ण आहेत. तालुक्याच्या आमदाराने जिल्ह्याचे, राज्याचे नेतृत्व केले परंतु तालुक्याचा म्हणावं तितका विकास झाला नाही. अशी खंत गावकऱ्यांनी कॉग्रेस उमेदवार अभय साळुंके यांना बोलून दाखवली.

 तुमच्या २४ तास सेवेत राहिलो आणि यापुढे राहील, यात शंका नाही. निवडणूक २० दिवसांची आहे पण तुमचे माझ्यावर अनंत उपकार आहेत. निटूर जिल्हा परिषद गटाचा सदस्य असताना अनेक विकासकामे मार्गी लावली. सामान्य कुटुंबातील माणसाला निवडून देत मला आपण सर्वांनी आशीर्वाद द्यावा. सत्ताधारी लोकप्रतिनिधींनी भ्रष्टाचार करून महामार्गावर अपघातात मृत्युमुखी पडलेल्या निष्पाप १५० लोकांच पाप  घेण्याचं काम केलं असल्याचे अभय साळुंके यांनी सांगितले.

                  यावेळी मसलगा गावातील चेअरमन बाबासाहेब पाटील, बालाजी पिंड, सतीष जाधव, संजय नरहारे, श्रीमंत पाटील, चंद्रशेखर पाटील, माधव मोहिते , माधवराव पाटील, अण्णाराव पाटील, राम पिंड , दिनकर बनसोडे, नरसिंग जाधव, पप्पु तेलंगे, सोनेराव बनसोडे, पृथ्वीराज पाटील, योगेश पाटील, दत्ता जाधव, धीरज मोहिते, विक्की पाटील, मेघराज पाटील, सुरज मोहिते, रवि पवार,  माधव पवार, उमेश पाटील, रवि शिंदे, अंगद शिंदे, भास्कर शिंदे, मेघराज शिंदे, लिंबराज बनसोडे, हारी तेलंगे, राजेश पिंड, दिगंबर पिंड, आदींसह गावातील नागरिक मोठ्या संख्येने उपस्थित होते.