माजी आमदार भालेराव यांचे अंगणात आंदोलन: सरकारचा निषेध

माजी आमदार भालेराव यांचे अंगणात आंदोलन: सरकारचा निषेध


उदगीर: सध्या राज्यात वाढत असलेली कोरोना परिस्थिती हाताळण्यात राज्य सरकारला अपयश आल्याचा आरोप करीत भारतीय जनता पार्टीने पुकारलेल्या घराच्या अंगणातील निषेध आंदोलनात उदगीरचे माजी आमदार सुधाकर भालेराव यांनी सहभागी होत आंदोलन केले.


गेल्या दोन महिन्यांपासून राज्यात कोरोनाने धुमाकूळ घातला आहे. वरचेवर रुग्ण वाढत आहेत. या परिस्थितिला राज्यातील महा विकास आघाडीचे सरकारच जबाबदार असल्याचा आरोप भारतीय जनता पार्टीकडून करण्यात आला आहे. या पार्श्वभूमीवर भाजपाकडून मेरा अंगण मेरा रणांगण महाराष्ट्र बचाव आंदोलन राज्यभर पुकारण्यात आले होते. आपल्या स्वतःच्या घरी कार्यकर्त्यांनी हे आंदोलन करावे असे आवाहन भाजपाच्या वतीने करण्यात आले होते. या आंदोलनाला प्रतिसाद देत माजी आमदार सुधाकर भालेराव यांनी आपल्या अंगणात हे आंदोलन यशस्वी केले. 


माजी आ. भालेराव यांच्यासह या आंदोलनात अमोल भालेराव, भाजपा महिला आघाडीच्या माजी जिल्हाध्यक्षा उत्तरा कलबुर्गे, जिल्हा उपाध्यक्षा जया काबरा, उषा माने, रमाबाई वाघमारे आदींसह महिला पदाधिकारी उपस्थित होते.


Popular posts
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
*स्व. खाशाबा जाधव राज्यस्तरीय कुस्ती स्पर्धा* *आकाश, ओंकार, रणजित, विशाल यांनी गाजविला उद्घाटनाचा दिवस*
Image
*वाद-विवाद स्पर्धेच्या ढाल विजयाचे मानकरी ठरले परभणीचे गांधी विद्यालय*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
हरिश्चंद्र बिराजदार सारख्या खेळाडूंमुळे लातूरचे नाव देशपातळीवर पोहोचले : ना. संजय बनसोडे
Image