इंदोरीकर महाराजांवरील गुन्हा मागे घ्या: राष्ट्रीय वारकरी परिषदेची मागणी
• विक्रम हलकीकर


उदगीर : ह.भ.प. निवृत्ती महाराज यांच्यावर एका वक्तव्याचा संदर्भ देऊन दाखल करण्यात आलेला गुन्हा मागे घेण्याची मागणी राष्ट्रीय वारकरी परिषदेच्या वतीने उदगीरच्या तहसीलदारांकडे निवेदन देऊन करण्यात आली आहे.


ह. भ.प. निवृत्ती महाराज इंदोरीकर यांनी एका कीर्तनात केलेल्या वक्तव्याचा संदर्भ देऊन त्यांच्याविरोधात पोलिसांनी गुन्हा दाखल केला आहे. खरे तर इंदोरीकर महाराजानी ग्रंथाचा आधार घेऊन ते वक्तव्य केले होते. तरीही त्यांनी कुणाच्या भावना दुखावल्या असतील तर माफीदेखील मागितली होती. मात्र केवळ वारकरी संप्रदायाला बदनाम करण्यासाठी इंदोरीकर महाराजांच्या विरोधात तक्रार दिली आहे. इंदोरीकर महाराज यांच्यावर दाखल केलेला गुन्हा शासनाने मागे घ्यावा अशी मागणी राष्ट्रीय वारकरी परिषदेचे गोविंद श्रीमंगले, उदगीर तालुकाध्यक्ष आत्माराम महाराज कुमठेकर, तालुका उपाध्यक्ष योगेश पुरी महाराज शेल्हाळकर, सचिव संतोष गिरी महाराज येणकीकर, सहसचिव सुरेश मुरूमकर, शिरूर अनंतपाळ तालुकाध्यक्ष माऊली महाराज, सरोजा गायकवाड, संगीता गायकवाड, उद्धव दंडे यांनी केली आहे.


Popular posts
अखिल भारतीय मराठी साहित्य संमेलनाला सर्वतोपरी सहकार्य करु : प्रा. डॉ. सुधीर जगताप
• विक्रम हलकीकर
Image
माजी पाणीपुरवठा राज्यमंत्री आ.संजय बनसोडे यांच्याकडुन चोंडी तलावाची पाहणी
• विक्रम हलकीकर
Image
राष्ट्रपतीपदी मुर्मु यांच्या निवडीचे उदगीरात भाजपाच्या पदाधिकाऱ्यांकडून जल्लोष
• विक्रम हलकीकर
Image
ग्रंथ दिंडी ही संस्कारमय व्हावी : नागराळकर साहित्य संमेलनानिमित्त ग्रंथ दिंडी नियोजनासाठी मुख्याध्यापकांची बैठक
• विक्रम हलकीकर
Image
गोपनीयतेचा भंग करणाऱ्यांवर कार्यवाही होणार का? उदगीर: कोरोना विषाणूचा वरचेवर प्रादुर्भाव वाढत चालत असताना यासंदर्भातील कोणतेही वृत्त प्रसारमाध्यमानी जिल्हा माहिती कार्यालयाकडून अधिकृत माहिती आल्याशिवाय प्रसिद्ध करू नये अन्यथा कार्यवाहीचा बडगा उगरण्याचा इशारा जिल्हाधिकाऱ्यांकडून एका पत्राद्वारे देण्यात आला आहे. मात्र कोरोनाबधित रुग्णांची यादी संबंधित विभागाकडून बाहेर कशी व्हायरल होत आहे यावर कोणाचे नियंत्रण नाही का? असा प्रश्न उपस्थित होत असून याबाबत गोपनीयतेचा भंग करणाऱ्याविरोधात शासन कार्यवाही करणार का? असा प्रश्न विचारला जात आहे. देशभरात कोरोना विषाणूंने थैमान घातले आहे. राज्यात पुणे मुंबई पुरता मर्यादित असलेल्या या विषाणूंने राज्याच्या ग्रामीण भागात आपले पाय पसरले आहे. या आजाराचे रुग्ण अगदी सीमेवरच्या उस्मानाबाद, लातूरमध्येही आढळून येत असल्याने प्रशासन जबाबदारीने काम करीत आहे. तर दुसरीकडे नागरिकामध्ये भयाचे वातावरण निर्माण होत आहे. या पार्श्वभूमीवर एखाद्या रुग्णाला कोरोनाची बाधा झाली असेल तर त्याचे नाव गोपनीय ठेवून त्याच्यावर विलगीकरण कक्षात उपचार करण्यात येत आहेत. शिवाय त्या रुग्णाबाबतची कमालीची गुप्तता पाळण्यात येते. अलीकडे प्रसारमाध्यमे गतिमान झाल्यामुळे एखाद्या रुग्णाची माहिती मिळाल्यास तात्काळ व्हायरल करण्याचे काम अतिउत्साही मंडळीकडून होत आहे. यामुळे नागरिकामध्ये आणखी घबराटीचे वातावरण निर्माण होते. त्यामुळे नागरिकांना भीती वाटू नये यासाठी अशा प्रकारे सोशल मीडियावर माहिती टाकल्यास व विविध माध्यमातून वृत्त प्रसारित झाल्यास कार्यवाही करण्याचा इशारा लातूरचे जिल्हाधिकारी जी. श्रीकांत यांनी एका पत्राद्वारे दिला आहे. असे असताना गेल्या दोन तीन दिवसांपासून लातूर जिल्ह्यातील विविध शहरातील कोरोना संशयितांची तपासणी केल्यानंतर त्यांचा पॉझिटिव्ह अथवा निगेटीव्ह जो काही अहवाल असेल तो अहवाल गोपनीय न ठेवता संबंधित यंत्रणेकडून बाहेर व्हायरल होत आहे. व्हायरल झालेला हा अहवाल त्यानंतर विविध व्हाट्सअपचा ग्रुप मधून काही अतिउत्साही मंडळींकडून फिरवताना दिसतो. याचा परिणाम समाजावर होताना दिसत आहे. सदरील अहवालात कोणाची नावे आहेत हे जाहीर होत असल्याने ज्या गावातील सदरील रुग्ण आहे तेथे संशयाचे वातवरण निर्माण होण्याबरोबरच जनतेमध्ये भीतीची भावना निर्माण होत आहे. हा अहवाल गोपनीय ठेवण्याची गरज असताना हा अहवाल बाहेर कसा आला? याची चौकशी होणे गरजेचे आहे? ही यादी बाहेर व्हायरल करणाऱ्या संबंधिता विरोधात शासन कार्यवाही करणार का? असा प्रश्न यानिमित्ताने उपस्थित केला जात आहे.
• विक्रम हलकीकर
Image