पाणीपुरवठा पाईपलाईन ची अर्धवट कामे पूर्ण करण्यासाठी नगरसेविका चिमेगावे यांचे उपोषण: प्राधिकरणाच्या अधिकाऱ्यांनी आश्वासन दिल्यानंतर उपोषण मागे 


उदगीर: शहरातील प्रभाग क्रमांक 14 मध्ये अटल अमृत योजने अंतर्गत होत असलेले पाईपलाईनचे काम अर्धवट अवस्थेत असून सदरील काम पूर्ण करावे या मागणीसाठी प्रभागाच्या नगरसेविका अरुणा चिमेगावे यांनी महाराष्ट्र जीवन प्राधिकरण कार्यालयासमोर लाक्षणिक उपोषण केले. यावेळी महाराष्ट्र जीवन प्राधिकरणाच्या अधिकाऱ्यांनी पंधरा दिवसात काम पूर्ण करण्याचे आश्वासन दिल्यानंतर चिमेगावे यांनी आपले उपोषण मागे घेतले.


उदगीर शहरात मागच्या वर्षभरापासून अटल अमृत योजनेतून नवीन पाईप लाईन टाकण्याचे काम सुरू आहे. सदरील पाईपलाईन टाकण्याचे काम महाराष्ट्र जीवन प्राधिकरण कार्यालयामार्फत होत असून शहरात अनेक ठिकाणी हे काम अर्धवट अवस्थेत ठेवण्यात आले आहे. प्रभाग क्रमांक 14 मध्ये अटल अमृत योजनेतून टाकण्यात येत असलेले पाईपलाईनचे काम अर्धवट राहिली असून ते त्वरित पूर्ण करावे यासाठी प्रभागातील नगरसेविका अरुणा चिमेगावे यांनी महाराष्ट्र जीवन प्राधिकरण च्या उपविभागीय अभियंत्यांना वेळोवेळी निवेदन देऊन विनंती केली होती, मात्र त्यांच्या पत्राची कसलीच दखल घेतली न गेल्याने चिमेगावे यांनी उपोषणाचा मार्ग अवलंबला. दिनांक 26 जून रोजी महाराष्ट्र जीवन प्राधिकरण या कार्यालयासमोर अरुणा चिमेगावे यांनी प्रभागातील नागरिकांना सोबत घेऊन लाक्षणिक उपोषण सुरू केले.


या उपोषणस्थळी नगराध्यक्ष बस्वराज बागबंदे, जिल्हा परिषदेचे अध्यक्ष राहुल केंद्रे, माजी आ. गोविंद केंद्रे, न. प. चे उपाध्यक्ष सुधीर भोसले, प. स. सभापती विजय पाटील, नगरसेवक मनोज पुदाले, रामचंद्र मुक्कावार, ऍड. दत्ताजी पाटील, गणेश गायकवाड, पप्पू गायकवाड, रामेश्वर पवार, रुपेंद्र चव्हाण, प्रा. बालाजी सूर्यवंशी, बालाजी गवारे यांच्यासह मान्यवरानी भेटी देऊन प्राधिकरणाच्या अधिकाऱ्यांना जाब विचारला.


उपोषण चालू असताना महाराष्ट्र जीवन प्राधिकरण च्या अधिकाऱ्यांनी अरुणा चिमेगावे यांची भेट घेऊन पंधरा दिवसात काम पूर्ण करण्याचे लेखी आश्वासन दिले. त्यानंतर त्यांनी आपले उपोषण मागे घेतले.


Popular posts
श्री हावगीस्वामी महाविद्यालयातील बारावीच्या निकालाची उज्ज्वल परंपरा कायम.
Image
*महाराष्ट्र महाविद्यालयात कृषी दिनानिमित्त वृक्षारोपन
Image
मतदार यादीतील नाव वगळणे, समाविष्ठ करणे व दुरुस्ती करुन घेण्याचे आवाहन
उदगीर शहरामध्ये पर्यावरण,आरोग्य संवर्धन आणि प्रदूषमुक्तीसाठी आयोजित भव्य सायकल रलीमध्ये उदगीरकरांनी सहभागी व्हावे मुख्याधिकारी भारत राठोड
*राज्यमंत्री बनसोडे यांची उदगिरकरांना वाढदिवसाची भेट* *तालुक्यात नागरिकांच्या सोयीसाठी तलाठी भवन व मंडळ अधिकाऱ्यांचे कार्यालयाला मंजुरी*
Image