संगनबसव स्वामी चरपट्टाभिषेक सोहळा उत्साहात संपन्न....  

संगनबसव स्वामी चरपट्टाभिषेक सोहळा उत्साहात संपन्न....



निलंगा:- निलंगा येथील संगन बसव विरक्त मठात आयोजित निरंजन चरपट्टाभिषेक सोहळा कार्यक्रमात श्री. बसवेश्वर येरटे यांना नूतन मठाधिपती म्हणून समाज सेवेची विधीवत दिक्षा देण्यात आले. कोरोना आपत्तीच्या पार्श्वभूमीवर शासनाच्या नियमांचे पालन करीत चरपट्टाभिषेक सोहळ्याचा धार्मिक व अध्यात्मिक कार्यक्रम उत्साही वातावरणात साधेपणाने साजरा करण्यात आला.


 निलंगा येथील श्री संगनबसव स्वामी विरक्त मठाच्या मठाधिपती पदी श्री. बसवेश्वर येरटे यांना नियुक्त करून अधिकार पत्र देण्यासाठी गुरुवार दिनांक 29 ऑक्टोबर 2020 रोजी निरंजन चरपट्टाभिषेक कार्यक्रमाचे आयोजन करण्यात आले होते. यावेळी बसवलिंग पटदेवरु भालकी, कोरणेश्वर महास्वामीजी उस्तुरी, डॉ. गुरुबसव महास्वामीजी पांडोमट्टी कर्नाटक, शिवबसव महास्वामीजी बेलूर, शंकरलिंग शिवाचार्य महाराज शिरूर आनंतपाळ , सिद्धलिंग महास्वामीजी देवणी, डॉ. शिवलिंग शिवाचार्य महाराज अहमदपूरकर यांचे उत्तराधिकारी राजशेखर स्वामी ,आचार्य गुरुराज स्वामी अहमदपुरकर यांच्या मुख्य उपस्थितीत विधीवत धार्मिक कार्यक्रम घेऊन श्री. बसवेश्वर येरटे यांना निरंजन चरपट्टाभिषेक सोहळ्यात श्री.संगनबसव महास्वामीजी म्हणून घोंगडी,काठी, कमंडलू ,भगवी झोळी व महात्मा बसवेश्वर यांच्या वचन साहित्याचे पुस्तक देऊन समाजसेवेची दीक्षा देण्यात आली. या कार्यक्रमाच्या अध्यक्षस्थानी संगनबसव स्वामी विरक्त मठाच्या विश्वस्त मंडळाचे अध्यक्ष लिंबन महाराज रेशमे होते. प्रमुख अतिथी म्हणून प्रदेश कॉंग्रेसचे सरचिटणीस अशोकराव पाटील निलंगेकर, भाजपाचे युवा नेते अरविंद पाटील निलंगेकर, किर्तनकेसरी भगवंतराव पाटील चांभरगेकर ,मन्मथप्पा पालापुरे, विरूपाक्षेश्वर शंकद स्वामी, शंकरराव मोरगे, उपजिल्हा रुग्णालयाचे वैद्यकीय अधीक्षक डॉ. दिलीप सौंदळे ,पट्टाभिषेक सोहळा समितीचे स्वागताध्यक्ष तथा नगराध्यक्ष बाळासाहेब शिंगाडे ,उपनगराध्यक्ष मनोज कोळळे आदी मंचावर उपस्थित होते. यावेळी बोलताना कोरणेश्वर महास्वामी म्हणाले नूतन मठाधिपती बसवेश्वर महास्वामीजी हे राष्ट्रसंत डॉ. शिवलिंग शिवाचार्य महाराज अहमदपूरकर यांच्या आचार विचाराचे वारसदार व पाईक आहेत. त्यांनी जंगम तत्त्वानुसार लिंगायत धर्माचे प्रचार व प्रसाराचे कार्य करावे.जंगम ही जात नसून ती एक आचार पध्दती आहे. लिंगायत धर्माचे संस्थापक महात्मा बसवेश्वर यांच्या आचार विचारांचे व वचन साहित्यातील मूल्यांची जोपासना करण्यासाठी नूतन मठाधिपतीनी प्रयत्न करावे असे आवाहन त्यांनी केले. यावेळी बोलताना बसवलिंग पट्टदेवरु म्हणाले नूतन मठाधिपतींवर अहमदपूरकर महाराजांचे संस्कार झाले आहेत. त्यांनी आज आपल्या रक्ततसंबंध व नातेसंबंधाचा त्याग करून समाजासाठी आपले जीवन समर्पित करण्याचा संकल्प केला आहे. धर्मप्रचार व समाजसेवा करून माणुसकीचा धर्म जोपासावी असे ते म्हणाले. याप्रसंगी आपले मनोगत व्यक्त करताना नूतन मठाधिपती संगण बसव महास्वामी म्हणाले स्वामी विवेकानंद व महात्मा बसवेश्वरांच्या ग्रंथाचे वाचन केल्यामुळे व तसेच आईवडिलांनी केलेल्या आध्यात्मिक संस्कार यामुळेच माझ्या जीवनात परिवर्तन झाले आहे. भगव्याच्या संगतीत राहिल्यामुळे भगवा झालो आहे. डॉ. शिवलिंग शिवाचार्य महाराज अहमदपूरकर यांच्या आज्ञेनुसार निलंगा येथील श्री संगनबसव स्वामी विरक्त मठाच्या मठाधिपती पदी विराजमान झालो आहे. यास समाज व विश्वस्त मंडळानी पाठींबा व संमती दिली आहे. अहमदपूरकर महाराजांचा विश्वासाला तडा जाऊ न देता त्यांच्या विश्वासाला विश्वासाला पात्र होण्याचा मी प्रयत्न करणार आहे. बसवेश्वर नावाला कलंक लागेल असे वर्तन माझ्या हातून होणार नाही. आजच्या निरंजन चरपट्टाभिषेक सोहळा कार्यक्रमातील समाजसेवा दीक्षा व शपथेशी एकनिष्ठ राहून समाजसेवा करत राहीन. मठाचे सर्व स्थावर मालमत्ता ही समाजाच्या व विश्वस्त मंडळाच्या मालकीची असून मठाधिपती या नात्याने मी समाजसेवेच्या माध्यमातून मठाचा नावलौकिक वाढवण्याचा प्रयत्न करणार असल्याचे अभिवचन त्यांनी याप्रसंगी दिले. कार्यक्रमाच्या यशस्वीतेसाठी सर्व समाज बांधवांनी प्रयत्न केले. यावेळी नूतन मठाधिपती श्री.संगनबसव महास्वामी यांचा आमदार संभाजीराव पाटील निलंगेकर यांच्या वतीने अरविंद पाटील निलंगेकर यांनी तसेच विश्वस्त मंडळ, लिंगायत सेवा संघ यासह विविध संस्था व संघटनांच्या वतीने सत्कार करण्यात आला.


Popular posts
*विद्यार्थ्यांचे शिल्पकार शिक्षक* *शिक्षकांचे शिल्पकार*.......... *माननीय श्री रमाकान्तराव बनशेळकीकर गुरुजी*🙏
Image
सरदार वल्लभभाई पटेल शाळेत लॉयनेस क्लब गोल्डच्या पदाधिकाऱ्यांचा सत्कार
Image
कृषी विधेयक स्थगिती अध्यादेशाची उदगीरात भाजपाकडून होळी
Image
*माझे कुटुंब माझी जबाबदारी मोहिमेअंतर्गत जिल्हाधिकारी जी. श्रीकांत यांच्या कुटुंबाची आरोग्य तपासणी*
Image
स्त्रियांचा सन्मान करणारेच खरे शिवरायांचे अनुयायी : दिशा पिंकी शेख उदगीर : छत्रपती शिवाजी महाराजांचे अनुयायी म्हणवून घेणा-यांची संख्या कमी नाही परंतु स्त्रियांचा सन्मान करणारेच ख-या अर्थाने शिवरायांचे अनुयायी असू शकतात असे मत सामाजिक कार्यकर्त्या दिशा पिंकी शेख यांनी व्यक्त केले. उदगीर येथील सार्वजनीक शिवजन्मोत्सव समितीच्या वतीने नगर परिषदेसमोरील प्रांगणात दिशा पिंकी शेख यांचे व्याख्यान पार पडले. यावेळी त्या बोलत होत्या. पुढे बोलताना त्या म्हणाल्या की, छत्रपती शिवाजी महाराजांनी समाजातील अठरा पगड जातींना सोबत घेवून स्वराज्याचे स्वप्न पाहीले व ते पूर्ण केले. आज समाजात जाती जातीत, धर्माधर्मात भेद करणारी मंडळी वाढत आहे. जाती धर्माच्या पलीकउे जावून देशाच विचार करणाराच खरा देशभक्त असल्याचे सांगत त्यांनी छत्रपती शिवाजी महाराज यांनी राज्यकारभार चालविताना आपल्या आईचा सन्मान करून समस्त स्त्री जातीचा सन्मान केला असल्याचे सांगितले. आज मात्र आपली आई, बहीण, मुलगी, पुरूषी वर्चस्वाखाली दबून छळली जात आहे. महिलांवरील अत्याचाराचे प्रमाण कमी होण्याऐवजी वरचेवरवाढत चालले आहे. महिलंाना अजूनही वैचारिक स्वातंत्र्य प्राप्त झाले नाही अशी खंत व्यक्त करीत जोपर्यंत स्त्रीयांची वैचारिक गुलामगिरी संपणार नाही तोपर्यंत हा शिवरायाचा महाराष्ट्र होणार नाही असे शेख यावेळी म्हणाल्या. सार्वजनीक शिवजयंती महोत्सव समितीच्या वतीने दोन दिवस कलामहोत्सव पार पडले. या कलामहोत्सवात विद्यार्थ्यांच्या विविध गुणदर्शनाचा कार्यक्रम घेण्यात आला. शहरातील विविध शाळांमधील विद्यार्थ्यांनी या स्पर्धेत सहभाग नोंदविला. या स्पर्धेचे बक्षीस वितरण यावेळी करण्यात आले. कृषि उत्पन्न बाजार समितीचे सभापती सिध्देश्वर पाटील, उपसभापती रामराव बिरादार, जिल्हा युवक काँग्रेसचे अध्यक्ष वियज निटूरे व मान्यवरांच्या हस्ते या स्पर्धेचे बक्षीस वितरण करण्यात आले. स्पर्धेसाठी परीक्षक म्हणून नरेंद्र कठारे, नीता मोरे, काजोल मिरजगावे, संगीता नेत्रगावे, स्वप्नील पकोळे, सुनील कोळी यांनी काम पाहिले. या कार्यक्रमाचे प्रास्ताविक नीता मोरे यांनी केले. पाहूण्यांचा परिचय अनिता यलमटे यांनी करून दिला.
Image