किनगावच्या आरोग्य केंद्रांचे जिल्हा परिषद अध्यक्षांकडून आॕपरेशन* *अस्वच्छता व दारूच्या बाटल्या आढळून आल्यामुळे तिन्ही सेवकांच्या वार्षिक वेतनवाढी रोखण्याचे दिले आदेश*

*किनगावच्या आरोग्य केंद्रांचे जिल्हा परिषद अध्यक्षांकडून आॕपरेशन*


*अस्वच्छता व दारूच्या बाटल्या आढळून आल्यामुळे तिन्ही सेवकांच्या वार्षिक वेतनवाढी रोखण्याचे दिले आदेश*


किनगाव : जिल्हा परिषदेचे अध्यक्ष राहुल केंद्रे यांनी सोमवारी किनगाव येथील प्राथमिक आरोग्य केंद्रासअचानक भेट दिली तेव्हा धक्कादायक बाबी समोर आल्या. रुग्णांवर उपचार करणारे हे आरोग्यकेंद्रच आजारी पाहून संतापलेल्या अध्यक्षांनी तीन कर्मचा-यांना निलंबित करण्याची शिफारस करीत येथील सा-या व्यवस्थेचे आॕपरेशन केले.


त्यांच्या सोबत जिल्हा परिषदेचे समाजकल्याण सभापती श्री रोहिदास वाघमारे, किनगाव चे जिल्हा परिषद सदस्य श्री अशोक काका केंद्रे, अहमदपुर पंचायत समितीचे उपसभापती बालाजी गुट्टे यांच्यासह पत्रकार बंधु व ग्रामस्थ उपस्थित होते यांच्या सर्वांच्या समक्ष प्राथमिक आरोग्य केंद्राची पाहणी केली असता प्रथम दर्शनी खूपच अस्वच्छता दिसून आली. 


वैद्यकीय अधिकाऱ्याच्या कक्षा पासून ते फार्मासिस्टची रूम, प्रसुतिगृह, औषध भांडार, जनरल वॉर्ड या सर्वांची पाहणी केली असता प्रत्येक कक्षाचे कोपरे, खिडक्या त्यांच्या पाठीमागे थुंकून लाल झालेल्या भिंती दिसून आल्या. काही कर्मचारी स्वाक्षरी करून निघून जातात अशा तक्रारी मध्ये तथ्य आढळून आले. हालचाल रजिस्टर दोन महिन्यापासून खराब झाले असून फाटलेल्या अवस्थेत दिसून आले.खूप अस्वच्छता दिसून आली, जनरल वॉर्डमध्ये सिगरेट पिऊन थोटूक टाकलेले पाकीट दिसून आले, धक्कादायक बाब तेव्हा घडली, जेव्हा एका रूम मध्ये पाण्याचा फिल्टर च्या बाजूला दारू पिऊन रिकामी झालेली बॉटल आढळून आली, आरोग्य केंद्रात तीन सेवक असतानाही स्वच्छतेच्या बाबतीत कमालीची उदासीनता दिसून आली. तीनही सेवक प्रत्यक्ष कुठलेच काम न करता धूम्रपान करतात, मद्यपान करतात अशा तक्रारी मध्ये तथ्य आढळून आले, त्याबद्दल तीव्र शब्दात नाराजी व्यक्त केली. ह्या अस्वच्छतेबद्दल तालुका आरोग्य अधिकारी ,वैद्यकीय अधिकारी यांची कान उघाडणी जिल्हा परिषदेचे अध्यक्ष राहुल केंद्रे यांनी केली.तात्काळ पंचनामा करून तीनही सेवकांवर कडक कारवाई करून त्यांच्या 1 वार्षिक वेतनवाढ बंद करण्याचे आदेश जिल्हा परिषदेचे मुख्य कार्यकारी अधिकारी व जिल्हा आरोग्य अधिकारी यांना जिल्हा परिषदेचे अध्यक्ष श्री राहुल केंद्रे यांनी दिले आहेत. या भेटी वेळी जिल्हा परिषदेचे अध्यक्ष राहुल केंद्रे यांच्यासोबत जिल्हा परिषदेचे समाजकल्याण सभापती श्री रोहिदास वाघमारे, किनगाव गटाचे जिल्हा परिषद सदस्य अशोक काका केंद्रे, अहमदपूर पंचायत समितीचे उपसभापती श्री बालाजी गुट्टे, पत्रकार शृंगारे शेटीबा, रुद्रा मुरकुटे, गोरख भुसाळे यांच्यासह ग्रामसेवक, ग्रामस्थ आदी सह सर्वजण उपस्थित होते.


Popular posts
प्रामाणिक कार्यकर्त्यांना सोबत घेऊन राष्ट्रवादी काँग्रेस शरद पवार पक्षात प्रवेश करणार : माजी आमदार सुधाकर भालेराव
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
माझे आदर्श गुरू...🙏
Image
माझी वसुंधरा अभियानांतर्गत विद्यार्थ्यांसाठी रंगभरण व निबंध स्पर्धा. उदगीर नगर परिषद व अ.भा.मराठी बालकुमार साहित्य संस्थेचा उपक्रम.
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image