आरोग्य कर्मचाऱ्यांचा सत्कार

उदगीर: कोरोणा विषाणू च्या वाढत्या प्रादुर्भाव काळात कोविड रुग्णालयात उत्कृष्ट सेवा करणाऱ्या डॉक्टर, परिचारिका, वॉर्डबॉय, व इतर सर्व आरोग्य कर्मचाऱ्यांचा उपविभागीय अधिकारी प्रवीण मेंगशेट्टी यांच्या हस्ते प्रमाणपत्र देऊन गौरव करण्यात आला.

उदगीर येथील शिवाजी महाविद्यालयात झालेल्या सत्कार कार्यक्रमास उपविभागीय अधिकारी तथा कमांडिंग ऑफिसर प्रवीण मेंगशेट्टी, तहसीलदार रामेश्वर गोरे, जिल्हा शल्य चिकित्सक कार्यालयाचे निवासी वैद्यकीय अधीक्षक तथा बाह्य संपर्क अधिकारी डॉ. सतिष हरिदास, वैद्यकीय अधीक्षक डॉ. दत्ता पवार, तालुका वैद्यकीय अधिकारी डॉ. सतिष कापसे हे उपस्थित होते. यावेळी आरोग्य कर्मचाऱ्यांचा प्रवीण मेंगशेट्टी यांच्या हस्ते प्रमाणपत्र देऊन गौरव करण्यात आला.

कोरोणाच्या विषाणुच्या वाढत्या प्रादुर्भाव काळात आरोग्य कर्मचाऱ्यांनी कोरणा बाधित रुग्णांवर केलेल्या योग्य उपचारामुळे व कोरोणा बाधितांना दिलेल्या योग्य सेवा सुविधेमुळे कोरोणा बाधितांची संख्या कमी होण्यास मदत झाली असे गौरवोद्गार प्रवीण मेंगशेट्टी यांनी काढले.