शिवाजी महाविद्यालयात राष्ट्रमाता जिजाऊ व स्वामी विवेकानंद जयंती साजरी


 *शिवाजी महाविद्यालयात राष्ट्रमाता जिजाऊ व स्वामी विवेकानंद जयंती साजरी*
 
दि.12 जानेवारी 2021

उदगीर येथील शिवाजी महाविद्यालयात राष्ट्रमाता जिजाऊ यांची 422 व स्वामी विवेकानंदाची 158 वी जयंती साजरी करण्यात आली. महाविद्यालयाचे प्राचार्य डॉ.विनायकराव जाधव यांनी प्रतिमेस पुष्पहार अर्पण करून महामानवांना विनम्र अभिवादन केले. यावेळी त्यांच्याविषयी कृतज्ञता व्यक्त करताना म्हटले की, बाल शिवाजीच्या मनात स्वराज्याची भावना निर्माण करून त्यांना खंबीर राष्ट्रवादाचे धडे दिले.यवनांनी मुघल आणि बहामनी काळापासून जनतेवर अन्याय अत्याचार कसे केले ,स्त्रियांची अब्रू वेशीवर टांगून बहुजन समाजाला गुलाम केल्याचा इतिहास त्यांच्या पुढे ठेवला.त्यातूनच बालशिवाजीचे संस्कार संपन्न मन घडत गेले. अन्यायाविरुद्ध लढण्याची उर्मी निर्माण होत गेली.म्हणूनच त्यांनी मुठभर मावळ्यांना बरोबर घेऊन रयतेचे कल्याणकारी राज्य उभे केले.याचे सर्व श्रेय जिजाऊ माॅसाहेब यांच्याकडे जाते म्हणून त्या आदर्श माता व उत्तम प्रशासक ठरतात.यावेळी स्वामी विवेकानंद यांच्या जीवन कार्यावर प्रकाश टाकताना असे म्हटले की, युवकांनी त्यांच्या जीवनकार्यातून प्रेरणा घेऊन आदर्श बलसंपन्न भारताचे स्वप्न साकार करावे.पुढे बोलताना ते म्हणाले की,राष्ट्र आणि धर्म यांचा उन्माद द्वेष व त्यातून येणारी असहिष्णुता माणसाला पशू बनवते व ती मानवी संस्कृतीच्या विनाशाला कारणीभूत होते.म्हणून त्यांनी धर्म पंथ जात लिंग आणि राष्ट्रीयत्व या गोष्टींना नाकारून विश्व बंधुभावाची संकल्पना मांडली. यातच त्यांच्या कार्याचे मर्म अनुस्यूत झाल्याचे प्रतिपादन केले. 
यावेळी कार्यक्रमाचे प्रास्ताविक जयंतीचे समिती प्रमुख डॉ.सूर्यकांत सावंत यांनी केले तर आभार प्रदर्शन डॉ.सुरेश शिंदे यांनी मानले. यावेळी राज्यशास्त्र विभागप्रमुख डॉ.व्ही.डी.गायकवाड,स्टाफ सेक्रेटरी डॉ.व्ही.के.भालेराव तसेच प्राध्यापक वृंद व कार्यालयीन कर्मचारी मोठ्या संख्येने उपस्थित होते.

Popular posts
संवेदना दिव्यांग औद्योगिक प्रशिक्षण संस्थेच्या वतीने 14 जूनला उदगीरात आयटीआय प्रवेश मार्गदर्शन मेळाव्याचे आयोजन
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image