राष्ट्रीय विज्ञान दिन: मराठी विज्ञान परिषदेचाही पुढाकार जिव्हाळा ग्रुपने केला बालवैज्ञानिकाचा सत्कार उदगीर: राष्ट्रीय विज्ञान दिनाचे औचित्य साधून मराठी विज्ञान परिषद व जिव्हाळा ग्रुपच्या वतीने बालवैज्ञानिक असलेल्या ज्ञानेश्वर दत्ता मंदाडे याचा त्याच्या शिक्षिका कल्पना चौधरी यांच्यासह सत्कार केला. यावेळी कार्यक्रमाच्या अध्यक्षस्थानी पंचायत समितीचे सभापती विजय पाटील होते. मंचावर नगर परिषदेचे मुख्याधिकारी भारत राठोड, प्रा. डॉ. राहुल आलापुरे, देवीदासराव नादरगे, श्रीकांत पाटील, अरुणा भिकाने, डॉ. अनिल भिकाने, श्री रमेश खंडोमलके, सौ. अलौकिका यांची उपस्थिती होती. यावेळी विज्ञानातील स्त्रीया या विषयावर बोलताना प्रा. डॉ. राहुल आलापुरे यांनी अनादिकालापासून विज्ञानाच्या क्षेत्रात महिलांचे योगदान मोलाचं असतानादेखील महिलांना उपेक्षित ठेवण्याचा प्रयत्न आजपर्यंत झाला आहे. डार्विनच्या काळात व तद्नंतर च्या काळात महिला वैज्ञानिक प्रखरतेने पुढे आले असल्याचे सांगत महिला संशोधकांनी अनेक प्रयोग यशस्वी केले आहेत. कल्पना चावला सारख्या अनेक महिला संशोधकांनी विज्ञानाला वेगळ्या दिशेने नेण्याचा प्रयत्न केला असल्याचे सांगितले. नोबेल पारितोषिक आजपर्यंत फक्त 20 महिलांना मिळाले आहे ही खेदाची बाब असून महिला संशोधकांसाठी शासनाकडून राष्ट्रीय पातळीवर संशोधन केंद्र उभी करण्याची गरज आहे असे मत प्रा. राहुल आलापुरे यांनी यावेळी व्यक्त केले. मुख्याधिकारी भारत राठोड यांनी समाजाचे देणे लागतो या भावनेतून जिव्हाळा ग्रुपचे कार्य चालू असल्याबद्दल कौतुक केले. कार्यक्रमाचे प्रास्ताविक डॉ. अनिल भिकाने यांनी केले, सूत्रसंचालन सुभाष तगाळे यांनी तर आभारप्रदर्शन देविदासराव नादरगे यांनी केले. यावेळी विश्वनाथ मुडपे, विश्वनाथ बिरादार माळेवाडीकर,अमृत देशपांडे, वैजनाथ पंचगलले, चंद्रकांत रोडगे, वैजनाथ साबणे, रमाकांत बनशेळकीकर, सुधाकर वायचळकर आदी उपस्थित होते.
• विक्रम हलकीकर


Popular posts
अखिल भारतीय मराठी साहित्य संमेलनाला सर्वतोपरी सहकार्य करु : प्रा. डॉ. सुधीर जगताप
• विक्रम हलकीकर
Image
माजी पाणीपुरवठा राज्यमंत्री आ.संजय बनसोडे यांच्याकडुन चोंडी तलावाची पाहणी
• विक्रम हलकीकर
Image
राष्ट्रपतीपदी मुर्मु यांच्या निवडीचे उदगीरात भाजपाच्या पदाधिकाऱ्यांकडून जल्लोष
• विक्रम हलकीकर
Image
ग्रंथ दिंडी ही संस्कारमय व्हावी : नागराळकर साहित्य संमेलनानिमित्त ग्रंथ दिंडी नियोजनासाठी मुख्याध्यापकांची बैठक
• विक्रम हलकीकर
Image
गोपनीयतेचा भंग करणाऱ्यांवर कार्यवाही होणार का? उदगीर: कोरोना विषाणूचा वरचेवर प्रादुर्भाव वाढत चालत असताना यासंदर्भातील कोणतेही वृत्त प्रसारमाध्यमानी जिल्हा माहिती कार्यालयाकडून अधिकृत माहिती आल्याशिवाय प्रसिद्ध करू नये अन्यथा कार्यवाहीचा बडगा उगरण्याचा इशारा जिल्हाधिकाऱ्यांकडून एका पत्राद्वारे देण्यात आला आहे. मात्र कोरोनाबधित रुग्णांची यादी संबंधित विभागाकडून बाहेर कशी व्हायरल होत आहे यावर कोणाचे नियंत्रण नाही का? असा प्रश्न उपस्थित होत असून याबाबत गोपनीयतेचा भंग करणाऱ्याविरोधात शासन कार्यवाही करणार का? असा प्रश्न विचारला जात आहे. देशभरात कोरोना विषाणूंने थैमान घातले आहे. राज्यात पुणे मुंबई पुरता मर्यादित असलेल्या या विषाणूंने राज्याच्या ग्रामीण भागात आपले पाय पसरले आहे. या आजाराचे रुग्ण अगदी सीमेवरच्या उस्मानाबाद, लातूरमध्येही आढळून येत असल्याने प्रशासन जबाबदारीने काम करीत आहे. तर दुसरीकडे नागरिकामध्ये भयाचे वातावरण निर्माण होत आहे. या पार्श्वभूमीवर एखाद्या रुग्णाला कोरोनाची बाधा झाली असेल तर त्याचे नाव गोपनीय ठेवून त्याच्यावर विलगीकरण कक्षात उपचार करण्यात येत आहेत. शिवाय त्या रुग्णाबाबतची कमालीची गुप्तता पाळण्यात येते. अलीकडे प्रसारमाध्यमे गतिमान झाल्यामुळे एखाद्या रुग्णाची माहिती मिळाल्यास तात्काळ व्हायरल करण्याचे काम अतिउत्साही मंडळीकडून होत आहे. यामुळे नागरिकामध्ये आणखी घबराटीचे वातावरण निर्माण होते. त्यामुळे नागरिकांना भीती वाटू नये यासाठी अशा प्रकारे सोशल मीडियावर माहिती टाकल्यास व विविध माध्यमातून वृत्त प्रसारित झाल्यास कार्यवाही करण्याचा इशारा लातूरचे जिल्हाधिकारी जी. श्रीकांत यांनी एका पत्राद्वारे दिला आहे. असे असताना गेल्या दोन तीन दिवसांपासून लातूर जिल्ह्यातील विविध शहरातील कोरोना संशयितांची तपासणी केल्यानंतर त्यांचा पॉझिटिव्ह अथवा निगेटीव्ह जो काही अहवाल असेल तो अहवाल गोपनीय न ठेवता संबंधित यंत्रणेकडून बाहेर व्हायरल होत आहे. व्हायरल झालेला हा अहवाल त्यानंतर विविध व्हाट्सअपचा ग्रुप मधून काही अतिउत्साही मंडळींकडून फिरवताना दिसतो. याचा परिणाम समाजावर होताना दिसत आहे. सदरील अहवालात कोणाची नावे आहेत हे जाहीर होत असल्याने ज्या गावातील सदरील रुग्ण आहे तेथे संशयाचे वातवरण निर्माण होण्याबरोबरच जनतेमध्ये भीतीची भावना निर्माण होत आहे. हा अहवाल गोपनीय ठेवण्याची गरज असताना हा अहवाल बाहेर कसा आला? याची चौकशी होणे गरजेचे आहे? ही यादी बाहेर व्हायरल करणाऱ्या संबंधिता विरोधात शासन कार्यवाही करणार का? असा प्रश्न यानिमित्ताने उपस्थित केला जात आहे.
• विक्रम हलकीकर
Image