लॉयनेस क्लब तर्फे कर्तृत्ववान महिलांचा सन्मान उदगीर : येथील लॉयनेस क्लब तर्फे जागतिक महिला दिनाच्या निमित्ताने समाजात विविध क्षेत्रात उल्लेखनीय काम करणाऱ्या कर्तृत्ववान महिलांचा सन्मान करण्यात आला. येथील सरदार वल्लभभाई पटेल विद्यालय येथे पार पडलेल्या या कार्यक्रमाच्या अध्यक्षस्थानी अपर्णाताई पटवारी होत्या. प्रमुख पाहुणे म्हणून अन्नपूर्णा बुधे, डॉ सविता पदातुरे,सरदार वल्लभभाई पटेल विद्यालयाच्या मुख्याध्यापिका मंजुषा कुलकर्णी, आयोजक लॉयनेस क्लब उदगीर अध्यक्षा दिपाली औटे, सहसचिव चंद्रकला बिरादार, प्रोजेक्ट चेअरमन प्रेमलता नळगीरे, प्रोजेक्ट चेअरमन संगीता नेत्रगावे यांची उपस्थिती होती. कार्यक्रमाचे सुत्रसंचालन व आभार प्रदर्शन अनिता शानेवार यांनी केले.