उदगीर : आज वटसावित्री पोर्णिमेनिमित निमित्त शहरातील महिलानी आपल्या घरातच सामाजिक अंतर राखून वटपौर्णिमा साजरी केली, तर अनेक ठिकाणी वडाची पूजा करून महिलांनी जन्मोजन्मी हाच पती मिळावा असे साकडे घातले.
कोरोनाच्या पार्श्वभूमीवर सामजिक अंतर राखणं महत्वाचे आहे हे जाणून शहरातील हरकरे नगरातील स्नेहा चणगे यांच्यासह काही महिलांनी हे अंतर राखून चणगे यांच्या घराच्या परिसरात वडाची रोपे आणून त्याची पूजा करून हा सण साजरा केला. तर सिंचन वसाहतीच्या परिसरात ग्रीन आर्मी या संघटनेच्या महिलांनी वडाच्या झाडाची पूजा करून वटसावित्रीचा सण साजरा केला. शहरातील काही महिलांनी घरातच वडाच्या प्रतिमेची पूजा करून जन्मोजन्मी हाच पती मिळावा असे साकडे घातले.
