16 वे विद्रोही मराठी साहित्य संमेलनाचे पुस्तक प्रदर्शन व विक्री स्टॉल्ससाठी नोंदणी सुरू!

उदगीर: उदगीर येथे जिल्हा परिषदेच्या भव्य प्रांगणात शनिवारी दि. 23 व रविवारी दि. 24 एप्रिल 2022 रोजी 16 वे विद्रोही मराठी साहित्य संमेलन होत आहे. या संमेलनात पुस्तक विक्रीसाठी स्टॉल्स उपलब्ध करून दिले जाणार आहेत.
मुंबईत धारावी येथे 1999 साली बाबुराव बागुल या थोर साहित्यिकांच्या अध्यक्षतेखाली व थोर इतिहासकार डॉ. आ.ह. साळुंखे यांच्या उपस्थितीत झालेल्या पहिल्या विद्रोही मराठी साहित्य संमेलनापासून आजवरच्या 14 संमेलनांमध्ये पुस्तक प्रदर्शन व विक्री हे विद्रोहीचे वैशिष्ट्य राहिले आहे. साहित्य व वाङमय विषयक भुमिकेवर आधारित सांस्कृतिक परंपराच्या विविधतेेचे समर्थन, बहुभाषिकतेचा सन्मान, सनातनवादाला विरोध, व संविधानसन्मानार्थ या चतु:सुत्रीवर आधारित उदगीर येथे भरणार्‍या या 16 व्या संमेलनात हे वैशिष्ट्ये पुन्हा एकदा दिसणार आहे. लातुर जिल्ह्यातील विचारी, आंदोलनजीवी-कष्टकरी जनता पदरमोड करत पुस्तके खरेदी करण्याची फुले-शाहू-आंबेडकरी परंपरा दाखवणार आहे. या 16 व्या विद्रोही मराठी साहित्य संमेलनात हीच जनता पुस्तकखरेदीचा नवा उच्चांक करणार असल्याची अपेक्षा स्वागताध्यक्ष डॉ अंजुम कादरी, राज्य कार्यकारी संघटक किशोर ढमाले, मुख्य निमंत्रक डॉ. मारोती कसाब यांनी व्यक्त केली आहे.
या संमेलनात ग्रंथ प्रदर्शन व विक्री साठी 15 बाय 15 चौरसफुटाचा स्टॉल चार टेबल व एक खुर्ची उपलब्ध करून दिल्या जाणार आहेत दोन दिवसासाठी 1000. ( एक हजार ) शुल्क आकारले जाइल शुल्क विद्रोही मराठी साहित्य समेलन या नावे उस्मानाबाद जनता सहकारी बैंक , उदगीर , खाते क्रमांक A/C No. 061103700100014 ( IFSC code HDFC0COJSBL ). या खात्यात भरावे. पैसे भरल्याची पावती सतिश नाईकवाडे (मोबा. 9284089442) यांच्या व्हॉट्सॲप वर पाठवावी. प्रथम शुल्क भरून नोंदणी करणाऱ्यास प्राधान्य या पद्धतीने स्टॉल वाटप केले जातील अशी माहिती स्वागताध्यक्षा डॉ.अंजुम कादरी, राज्य कार्यकारी संघटक किशोर ढमाले , मुख्य निमंत्रक डॉ.मारोती कसाब यांना दिली आहे.