आरोग्य व रेशनिंग व्यवस्थेची आ. निलंगेकर यांनी घेतली माहिती  जिल्हाधिकाऱ्यांसोबत बैठक  राठोडा येथील 'ते' साधक सुरक्षित

आरोग्य व रेशनिंग व्यवस्थेची आ. निलंगेकर यांनी घेतली माहिती


 जिल्हाधिकाऱ्यांसोबत बैठक 


राठोडा येथील 'ते' साधक सुरक्षित


 निलंगा:  कोरोना या आजाराच्या पार्श्वभूमीवर आ. संभाजीराव पाटील निलंगेकर यांनी मंगळवारी जिल्हाधिकारी जी श्रीकांत यांच्यासोबत बैठक घेऊन आरोग्य यंत्रणा व रेशनिंग व्यवस्थेबाबत माहिती घेतली. आरोग्य यंत्रणा गतिमान करण्याच्या सूचनाही त्यांनी प्रशासनास केल्या .
जिल्ह्यात कोरोना आजाराबाबत सतर्कता बाळगली जात आहे. लॉकडाऊन व संचारबंदी आहे. या स्थितीत आरोग्य यंत्रणा कशा पद्धतीने काम करत आहे याची माहिती घेऊन ती अधिक गतिमान करण्याची मागणी आ. निलंगेकर यांनी केली. रेशनिंग व्यवस्थेत सुधारणा करण्याची गरज असून प्रत्येक गरजूला अन्नधान्य मिळावे याची खबरदारी घ्यावी ,अशा सूचना त्यांनी केल्या.


लॉकडाऊन मुळे दिव्यांग व्यक्तींची मोठी गैरसोय होत आहे. अशा व्यक्तींना शासनाच्या वतीने मिळणारे सर्व लाभ आणि सुविधा घरपोच देण्यात याव्यात असेही ते म्हणाले. सोशल डिस्टन्सिंग हा कोरोना रोखण्यासाठी सर्वात प्रभावी उपाय आहे .सध्या बँकांमध्ये मोठी गर्दी दिसून येत आहे. त्यामुळे जिल्हा बँकेसह इतर सर्व बँकांना काटेकोरपणे सोशल डिस्टन्सिंग पाळण्याचे  निर्देश द्यावेत अशी सुचनाही आ.निलंगेकर यांनी केली .


सोमवारी झालेल्या वादळी पावसामुळे निलंगा तालुक्यातील राठोडा येथे वास्तव्यास असणाऱ्या महानुभाव पंथाच्या साधकांच्या तंबूचे नुकसान झाले आहे. लॉक डाऊनमुळे हे साधक तेथे अडकले असून प्रशासनाने त्यांच्यासाठी नोडल अधिकार्‍यांची नियुक्ती केलेली आहे. कालच्या पावसाने झालेल्या नुकसानीची लवकरात लवकर दुरुस्ती करावी अशी सुचनावजा मागणी आपण प्रशासनाकडे केली असल्याचेही त्यांनी सांगितले. या साधकांना त्यांच्या मूळ आश्रमात पोचवण्याची मागणी आपण प्रशासनाच्या माध्यमातून राज्यशासनाकडे केली आहे .या सर्व साधकांची नियमित आरोग्य तपासणी केली जात असून ते सुरक्षित असल्याचेही आ. निलंगेकर यांनी यावेळी बोलताना सांगितले.


Popular posts
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
उदगीरात महिला बचत गटातील सदस्यांचे आर्थिक साक्षरता प्रशिक्षण शिबीर संपन्न नगर परिषदेच्या उपक्रम: जागतिक महिला दिनाचे औचित्य
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image