जिल्ह्यातील सर्व नागरिकांनी आरोग्य सेतू हे ॲप डाऊनलोड करावे -जिल्हाधिकारी जी.श्रीकांत

जिल्ह्यातील सर्व नागरिकांनी 
आरोग्य सेतू हे ॲप डाऊनलोड करावे
                                                 -जिल्हाधिकारी जी.श्रीकांत
लातूर:-कोरोना विषाणूच्या प्रतिबंधासाठी शासन अनेक उपाययोजना राबवत आहे. त्याच अनुषंगाने केंद्र शासनाच्या आरोग्य विभागाने आरोग्य सेतू हे ॲप तयार केले असून या ॲपमध्ये कोरोना विषाणू अनुषंगाने सविस्तर माहिती देण्यात आलेले असून कोरोना विषाणू बाधितांच्या ट्रेसिंगसाठी महत्वाचे ॲप असल्याने जिल्ह्यातील जास्तीत जास्त नागरिकांनी विशेषता स्मार्टफोन धारकांनी हे ॲप डाऊनलोड करावे, असे आवाहन जिल्हाधिकारी जी.श्रीकांत यांनी केले आहे.
      या ॲपद्वारे ऑप डाउनलोड करणाऱ्या व्यक्ती कोरोना बाधित असलेल्या किती लोकांच्या संपर्कात आला या विषयाची माहिती मिळते तसेच ॲप डाऊनलोड करणाऱ्या व्यक्तीला कोरोना चा संसर्ग झाला तर या व्यक्तीच्या संपर्कात कोण कोण आले याची सर्व माहिती या ॲपद्वारे मिळते. हे ॲप सुरुवातीला डाऊनलोड करणाऱ्याचे आरोग्यविषयक तपासणी करते. आरोग्य विषयक विशेषता कोरोना विषयक काही प्रश्न विचारले जातात त्याच्या उत्तरांना आपल्याला चूक की बरोबर उत्तरावर टिक करावे लागते. तसेच ॲप मध्ये सामाजिक अंतर कशा पद्धतीने ठेवायचे, हात कशा पद्धतीने धुवायचे, तोंडावर रुमाल कशा पद्धतीने लावायच्या याविषयीचे सविस्तर माहिती देण्यात आलेली आहे. तरी हे आप कोरोना प्रतिबंधासाठी व ट्रेसिंगसाठी अत्यंत उपयुक्त आहे. तरी याचा जिल्ह्यातील जास्तीत जास्त नागरिकांनी लाभ घ्यावा असे आवाहन जिल्हाधिकारी जी.श्रीकांत यांनी केले आहे.
  हे ॲप प्ले स्टोअर मध्ये जाऊन डाउनलोड करता येते.
                                           ****