उदगीर तालुक्यातील कामगारांना सांभाळा अन्यथा कारवाई होईल - तहसीलदार व्यंकटेश मुंडे


उदगीर तालुक्यातील कामगारांना सांभाळा अन्यथा कारवाई होईल - तहसीलदार व्यंकटेश मुंडे


 


उदगीर : कोरोना संसर्गाच्या पार्श्वभूमीवर उदगीर तालुक्यातील खाजगी उद्योगधंदे व कारखाने वगैरे मधील कामगार इतर ठिकाणी स्थलांतरित होत असतील तर आशा कारखान्यावर कायद्यानुसार कारवाई करण्यात येईल. असा इशारा उदगीर तहसील कार्यालयाचे तहसीलदार व्यंकटेश मुंडे यांनी दिला आहे. कोरोना संसर्गाचा प्रादुर्भाव  रोखण्यासाठी  प्रशासन प्रयत्नशील असून उदगीर शहरातील व तालुक्यातील काही कारखान्यातील व उद्योग धंद्यातील कामगार हे एका जागेवरून दुसऱ्या जागेकडे स्थलांतरित होत असल्याचे निदर्शनास येत आहे. संबंधित कामगारांना संभाळण्याची जबाबदारी त्या-त्या कारखाने व उद्योग धंदा मालकीच्या व्यवस्थापनाची किंवा संचालकाची आहे. या कामगारांना आवश्यक त्या सर्व सुविधा देण्यात याव्यात, त्यांच्या निवासाची व भोजनाची व्यवस्था करण्यात यावी. सोशल डिस्टन्सची  अंमलबजावणी करण्यात यावी. गरज पडल्यास या सर्वांची वैद्यकीय तपासणी करून घेणे संबंधिताची जबाबदारी राहील.  याप्रकरणी थोडाफार ही हलगर्जीपणा झाल्याचे आढळून आल्यास त्यावरती  कडक कारवाई करण्यात येईल. असा इशारा  दिला आहे. संबंधित कारखाने,उद्योग, व्यावसाईक, मालक यांनी परराज्यातील व इतर कामगाराची व्यवस्था करावी. त्यांना काही अडचणी  आल्यास प्रशासनास कळवावे. असे आवाहन यावेळी करण्यात आले आहे.  कारखानदार मालकास  त्या कामगाराची भोजन व इतर सुविधा देण्यात असमर्थ असतील तर त्यांना प्रशासनाच्यावतीने किंवा एनजीओच्या साह्याने सर्व सुविधा पुरविण्यात येतील. अशी माहिती यावेळी देण्यात आली


Popular posts
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
उदगीरात महिला बचत गटातील सदस्यांचे आर्थिक साक्षरता प्रशिक्षण शिबीर संपन्न नगर परिषदेच्या उपक्रम: जागतिक महिला दिनाचे औचित्य
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image