आज उदगीरच्या 19 जणांची तपासणी 17 जणांचे अहवाल निगेटिव्ह तर दोघांचे अहवाल प्रलंबित

आज उदगीरच्या 19 जणांची तपासणी
17 जणांचे अहवाल निगेटिव्ह तर दोघांचे अहवाल प्रलंबित
लातुर : येथील विलासराव देशमुख शासकीय वैद्यकीय विज्ञान संस्थेत आज उदगीरच्या 19 जणांचे स्वॅब तपासण्यात आले, त्यातील 17 जणांचे अहवाल निगेटिव्ह आले असून दोन व्यक्तीचे अहवाल प्रलंबित आहेत.
विलासराव देशमुख शासकीय वैद्यकीय विज्ञान संस्थेत दिनांक 09.05.2020 रोजी सकाळी 8.00 ते दु 4.00 पर्यंत कोरोना (कोविड-19) बाहयरुग्ण विभागात एकुण 55 व्यक्तींची तपासणी करण्यात आली. आजपर्यंत एकुण 253 व्यक्तींच्या स्वॅबची तपासणी करण्यात आली आहे. त्यापैकी 245 व्यक्तींचे अहवाल निगेटीव्ह आलेले असुन यापूर्वीच दिनांक 04.04.2020 रोजी 8 व्यक्तींचे अहवाल पॉझिटीव्ह आलेले होते ते रुग्ण बरे झाल्यामुळे त्यांना या रुग्णालयातुन डिस्चार्ज देण्यात आला आहे. आजपर्यंत 214 व्यक्तींचा Home Quarantine कालावधी समाप्त झाला असुन एकुण 39 व्यक्तींना जिल्हा आरोग्य विभागामार्फत Home Quarantine मध्ये निगराणीखाली ठेवण्यात आले आहे अशी माहिती कोरोना विलगीकरण कक्ष प्रमुख तथा सहयोगी प्राध्यापक औषधवैद्यकशास्त्र विभाग डॉ. मारुती कराळे यांनी दिली.
 विलासराव देशमुख शासकीय वैद्यकीय विज्ञान संस्थेत आज एकुण 50 व्यक्तींचे स्वॅब तपासणीसाठी आले होते. त्यापैकी उपजिल्हा रुग्णालय, उदगीर येथुन एकुण 19 व्यक्तींचे स्वॅब तपासणीसाठी आले होते त्यापैकी 17 व्यक्तींचे अहवाल निगेटीव्ह आले असुन दोन व्यक्तीचे अहवाल प्रलंबित आहेत. विलासराव देशमुख शासकीय वैद्यकीय विज्ञान संस्थेतील 3, स्त्री रुग्णालय लातुर 1, अहमदपुर 1, बीड 16, अंबाजोगाई 5, परळी 2, उस्मानाबाद 3, व असे एकुण 50 व्यक्तींचे स्वॅब तपासणीसाठी आले होते त्यापैकी 18 व्यक्तींचे अहवाल निगेटीव्ह आले असुन दोन व्यक्तींचे अहवाल प्रलंबित आहेत अशी माहिती विषाणु संशोधन व निदान प्रयोगशाळेचे प्रमुख तथा सहयोगी प्राध्यापक सुक्ष्मजीवशास्त्र विभाग डॉ. विजय चिंचोलकर यांनी दिली. 
 सद्यस्थितीत लातुरमध्ये कोरोना (कोविड19) चा एकही रुग्ण नसला तरी सर्वांनी सामाजिक अंतराचे पालन करावे, घराबाहेर पडताना मास्क परिधान करुनच बाहेर पडावे. प्रवास करण्यापूर्वी बस स्थानक, रेल्वे स्थानक येथे नियुक्त केलेल्या डॉक्टरांकडुन तपासणी करुनच प्रवास करावा व शासनाने वेळोवेळी दिलेल्या सुचनांचे पालन करावे असे आवाहन विलासराव देशमुख शासकीय विज्ञान संस्थेचे अधिष्ठाता, डॉ. गिरीष ठाकुर यांनी केले आहे.
 
     


 


 


Popular posts
प्रामाणिक कार्यकर्त्यांना सोबत घेऊन राष्ट्रवादी काँग्रेस शरद पवार पक्षात प्रवेश करणार : माजी आमदार सुधाकर भालेराव
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
माझे आदर्श गुरू...🙏
Image
माझी वसुंधरा अभियानांतर्गत विद्यार्थ्यांसाठी रंगभरण व निबंध स्पर्धा. उदगीर नगर परिषद व अ.भा.मराठी बालकुमार साहित्य संस्थेचा उपक्रम.
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image