अँटी कोरोना फोर्सचे जनक जी.श्रीकांत यांचा राज्य पञकार संघाच्या वतीने गौरवपत्र देऊन सन्मान

अँटी कोरोना फोर्सचे जनक जी.श्रीकांत यांचा राज्य पञकार संघाच्या वतीने गौरवपत्र देऊन सन्मान


लातूर:- लातूरचे कर्तव्यदक्ष जिल्हाधिकारी जी. श्रीकांत यांनी कोरोना विषाणूचा प्रादुर्भाव रोखण्यासाठी जिल्ह्यामध्ये एसीएफची ( अँटी कोरोना फोर्स ) स्थापना करून राज्यामध्ये एक वेगळी ओळख निर्माण केली आहे. याचाच एक फायदा म्हणून लातूर जिल्ह्यामध्ये कोरोना जास्त पसरला नाही.या कार्याची दखल घेऊन महाराष्ट्र राज्य पत्रकार संघ मुंबई जिल्हा शाखा लातूर यांच्या वतीने जिल्हाधिकारी जी.श्रीकांत यांचा गौरव पत्र देऊन सन्मान करण्यात आला.


जी. श्रीकांत यांनी लातूर जिल्ह्याचा जिल्हाधिकारी म्हणून पदभार स्वीकारल्यानंतर अनेक वेगवेगळे उपक्रम राबवून जिल्ह्याच्या विकासासाठी फायदाच केला आहे. शहरातील 150 फूट तिरंगा झेंडा तसेच फेसबुक लाईव्ह च्या माध्यमातून त्या त्या विभागातील प्रमुखांना सोबत घेऊन सर्व सामान्य नागरिकापर्यंत त्या विभागाच्या योजनाही त्यांनी माहीत करून दिल्या तसेच दयानंद कॉलेज येथील क्रिकेटचे मैदान उभा करून एक शहराची वेगळी ओळख राज्यभर निर्माण केली आहे. लातूरचा कायमस्वरूपी पाणी प्रश्न सोडविन्याचा प्रयत्न केला आहे तसेच शहरातील अतिक्रमण,पार्किंगची व्यवस्था वाहनांना शिस्त लावणे लातूर पॅटर्न म्हणून ओळखला जाणारा क्लासेस येथे ही विद्यार्थ्यांसाठी शिस्त त्याच बरोबर शेतकऱ्यांच्या बांधावर बी बियाणे उपलब्ध करून त्यांना दिलासा दिला आहे. शहरामध्ये जागोजागी शौचालय उभा करून पुरुष व महिलांचा प्रश्न निकाली काढला आहे. सायकलवर स्वतः फिरून शहरातील काय काय समस्या आहेत याकडेही ही त्यांनी लक्ष वेधले होते. या व अशा अनेक विकासाच्या कामांची दखल घेऊन महाराष्ट्र राज्य पत्रकार संघाच्या वतीने आज त्यांच्या कार्यालयात जाऊन जी श्रीकांत यांचा शाल,पुष्पगुच्छ व गौरव पत्र देऊन लातूर जिल्हा पत्रकार संघाचे अध्यक्ष अशोक देडे,कार्याध्यक्ष रघुनाथ बनसोडे , सचिव अशोक हनवते, जिल्हा संघटक महादेव डोंबे, इलेक्ट्रॉनिक्स मीडियाचे जिल्हा अध्यक्ष नितिन बनसोडे, नानासाहेब कांबळे, कोषाध्यक्ष अरुण जे कांबळे, कायदे सल्लागार प्रदीप गंगणे , फारुख शेख आदींनी सन्मान केला आहे.


Popular posts
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
उदगीरात महिला बचत गटातील सदस्यांचे आर्थिक साक्षरता प्रशिक्षण शिबीर संपन्न नगर परिषदेच्या उपक्रम: जागतिक महिला दिनाचे औचित्य
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image