नगराध्यक्ष बागबंदे यांच्या नावाने फेक फेसबुकखाते: फेसबुक मेसेंजरवरून केली पैशाची मागणी *नगराध्यक्ष बस्वराज बागबंदे यांनी केली पोलिसांत तक्रार*

नगराध्यक्ष बागबंदे यांच्या नावाने फेक फेसबुकखाते: फेसबुक मेसेंजरवरून केली पैशाची मागणी


*नगराध्यक्ष बस्वराज बागबंदे यांनी केली पोलिसांत तक्रार*


उदगीर : सध्या फेसबुक खाते हॅक होण्याचे प्रकार वाढले असताना बनावट फेसबुक खाते काढणाऱ्यांचीही टोळी अस्तित्वात आल्याचे दिसत आहे. उदगीरचे नगराध्यक्ष बस्वराज बागबंदे यांच्या नावाने बनावट खाते काढून त्याद्वारे फेसबुकवरील मित्रांना पैसे मागितल्याचा प्रकार उघडकीस आला आहे. दरम्यान या प्रकरणी नगराध्यक्ष बागबंदे यांनी उदगीर शहर पोलीस ठाण्यात तक्रार दाखल केली आहे.


उदगीर शहरात मागच्या आठवड्यात फेसबुक हॅक करून फेसबुक मेसेंजर द्वारे दत्तात्रय वट्टमवार यांच्या फेसबुकवरील मित्रांना पैसे मगितल्याची घटना ताजी असतानाच आता उदगीरचे नगराध्यक्ष बस्वराज बागबंदे यांच्या नावाने बनावट फेसबुक खाते काढण्यात आल्याचे उघड झाले. शिवाय या बनावट फेसबुक खात्यावरून नगराध्यक्ष बागबंदे यांच्या नावाने फेसबुकवरील मित्राना पैसेही मागितले गेले आहेत. हा प्रकार नगराध्यक्ष बागबंदे यांच्या लक्षात आल्यानंतर त्यांनी सावध होऊन या प्रकरणी उदगीर शहर पोलिसात आपली तक्रार नोंदवून या प्रकरणाची चौकशी करण्याची मागणी केली आहे. 


संबंधित बनावट फेसबुक अकाउंटशी कोणीही संपर्क साधू नये व कसला व्यवहार करू नये असे आवाहन नगराध्यक्ष बस्वराज बागबंदे यांनी केले आहे.


फेसबुक खाते हॅक करणे अथवा बनावट खाते करून नागरिकांची फसवणूक करणाऱ्यांची संख्या वाढत असून फेसबुक हाताळणाऱ्यांनी काळजी घेण्याची गरज व्यक्त होत आहे. तर दुसरीकडे अशा लोकांना शोधून त्यांच्यावर कठोर कार्यवाही करण्याची मागणी फेसबुक धारकाकडून केली जात आहे.


Popular posts
संवेदना दिव्यांग औद्योगिक प्रशिक्षण संस्थेच्या वतीने 14 जूनला उदगीरात आयटीआय प्रवेश मार्गदर्शन मेळाव्याचे आयोजन
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image