माजी विद्यार्थ्यांनी केला गुरुजींचा स्मृतिदिन साजरा : मोरे गुरुजींच्या आठवणींना उजाळा: ऑनलाइन कार्यक्रमात अनेक देशातील स्थायिक विद्यार्थ्यांचा सहभाग

माजी विद्यार्थ्यांनी केला गुरुजींचा स्मृतिदिन साजरा


मोरे गुरुजींच्या आठवणींना उजाळा: ऑनलाइन कार्यक्रमात अनेक देशातील स्थायिक विद्यार्थ्यांचा सहभाग


उदगीर : प्रत्येकाच्या जीवनात आईनंतर गुरुचे योगदान मोठे आहे. गुरूंनी दिलेल्या शिक्षणामुळेच विद्यार्थ्याचे आयुष्य घडत असते. अशा आपल्याला घडविलेल्या गुरुप्रती विद्यार्थ्यांमध्ये आदरभाव असतो. असाच आदरभाव दाखवत लालबहादूर शास्त्री विद्यालयातील माजी विद्यार्थ्यांनी त्यांचे गुरू मनोहरराव मोरे गुरुजी यांचा स्मृतिदिन ऑनलाइन साजरा करून त्यांच्या आठवणींना उजाळा दिला. या ऑनलाइन कार्यक्रमात मोरे गुरुजींच्या हाताखाली घडलेल्या व अनेक देशात स्थायिक असलेल्या विद्यार्थ्यांनी सहभाग नोंदविला.


स्व. मनोहरराव मोरे गुरुजी यांनी लाल बहादूर शास्त्री विद्यालय ,उदगीर येथे अनेक वर्षे अध्यापनाचे काम करीत असताना विद्यार्थ्यांच्या अनेक पिढ्या घडविल्या आहेत. 


त्यांच्या स्मृतीदिनानिमित्त 1995 च्या बॅच च्या माजी विद्यार्थ्यांनी आठवणीतील मोरे गुरुजी हा आॅनलाईन कार्यक्रम आयोजित केला. या प्रसंगी गुरुजींच्या कन्या लाल बहादूर शास्त्री विद्यालयातील सह शिक्षिका, साहित्यिका नीता मोरे यांची प्रमुख उपस्थिती होती. 


या कार्यक्रमात अपर्णा पटेल,आश्विनी सताळकर,आबोली सताळकर, गीतांजली पाटील, सीमा सब्बनवाड,अर्चना डांगे,आश्विनी चवळे, कपिल कलपे, समीर महाजन,विक्रम संकाये,निशांत ढवलशंख,हर्षल नेलवाडकर, गिरीश जोशी,अमृत नळेगावकर यांनी मनोगत व्यक्त करून मोरे गुरुजींच्या आठवणींना उजाळा दिला. कार्यक्रमाचे सुत्र संचालन आश्विनी संजय देशमुख यांनी केले. आभार ऍड. विक्रम संकाये यांनी मानले.


 


Popular posts
अखिल भारतीय मराठी साहित्य संमेलनाला सर्वतोपरी सहकार्य करु : प्रा. डॉ. सुधीर जगताप
Image
माजी पाणीपुरवठा राज्यमंत्री आ.संजय बनसोडे यांच्याकडुन चोंडी तलावाची पाहणी
Image
राष्ट्रपतीपदी मुर्मु यांच्या निवडीचे उदगीरात भाजपाच्या पदाधिकाऱ्यांकडून जल्लोष
Image
ग्रंथ दिंडी ही संस्कारमय व्हावी : नागराळकर साहित्य संमेलनानिमित्त ग्रंथ दिंडी नियोजनासाठी मुख्याध्यापकांची बैठक
Image
गोपनीयतेचा भंग करणाऱ्यांवर कार्यवाही होणार का? उदगीर: कोरोना विषाणूचा वरचेवर प्रादुर्भाव वाढत चालत असताना यासंदर्भातील कोणतेही वृत्त प्रसारमाध्यमानी जिल्हा माहिती कार्यालयाकडून अधिकृत माहिती आल्याशिवाय प्रसिद्ध करू नये अन्यथा कार्यवाहीचा बडगा उगरण्याचा इशारा जिल्हाधिकाऱ्यांकडून एका पत्राद्वारे देण्यात आला आहे. मात्र कोरोनाबधित रुग्णांची यादी संबंधित विभागाकडून बाहेर कशी व्हायरल होत आहे यावर कोणाचे नियंत्रण नाही का? असा प्रश्न उपस्थित होत असून याबाबत गोपनीयतेचा भंग करणाऱ्याविरोधात शासन कार्यवाही करणार का? असा प्रश्न विचारला जात आहे. देशभरात कोरोना विषाणूंने थैमान घातले आहे. राज्यात पुणे मुंबई पुरता मर्यादित असलेल्या या विषाणूंने राज्याच्या ग्रामीण भागात आपले पाय पसरले आहे. या आजाराचे रुग्ण अगदी सीमेवरच्या उस्मानाबाद, लातूरमध्येही आढळून येत असल्याने प्रशासन जबाबदारीने काम करीत आहे. तर दुसरीकडे नागरिकामध्ये भयाचे वातावरण निर्माण होत आहे. या पार्श्वभूमीवर एखाद्या रुग्णाला कोरोनाची बाधा झाली असेल तर त्याचे नाव गोपनीय ठेवून त्याच्यावर विलगीकरण कक्षात उपचार करण्यात येत आहेत. शिवाय त्या रुग्णाबाबतची कमालीची गुप्तता पाळण्यात येते. अलीकडे प्रसारमाध्यमे गतिमान झाल्यामुळे एखाद्या रुग्णाची माहिती मिळाल्यास तात्काळ व्हायरल करण्याचे काम अतिउत्साही मंडळीकडून होत आहे. यामुळे नागरिकामध्ये आणखी घबराटीचे वातावरण निर्माण होते. त्यामुळे नागरिकांना भीती वाटू नये यासाठी अशा प्रकारे सोशल मीडियावर माहिती टाकल्यास व विविध माध्यमातून वृत्त प्रसारित झाल्यास कार्यवाही करण्याचा इशारा लातूरचे जिल्हाधिकारी जी. श्रीकांत यांनी एका पत्राद्वारे दिला आहे. असे असताना गेल्या दोन तीन दिवसांपासून लातूर जिल्ह्यातील विविध शहरातील कोरोना संशयितांची तपासणी केल्यानंतर त्यांचा पॉझिटिव्ह अथवा निगेटीव्ह जो काही अहवाल असेल तो अहवाल गोपनीय न ठेवता संबंधित यंत्रणेकडून बाहेर व्हायरल होत आहे. व्हायरल झालेला हा अहवाल त्यानंतर विविध व्हाट्सअपचा ग्रुप मधून काही अतिउत्साही मंडळींकडून फिरवताना दिसतो. याचा परिणाम समाजावर होताना दिसत आहे. सदरील अहवालात कोणाची नावे आहेत हे जाहीर होत असल्याने ज्या गावातील सदरील रुग्ण आहे तेथे संशयाचे वातवरण निर्माण होण्याबरोबरच जनतेमध्ये भीतीची भावना निर्माण होत आहे. हा अहवाल गोपनीय ठेवण्याची गरज असताना हा अहवाल बाहेर कसा आला? याची चौकशी होणे गरजेचे आहे? ही यादी बाहेर व्हायरल करणाऱ्या संबंधिता विरोधात शासन कार्यवाही करणार का? असा प्रश्न यानिमित्ताने उपस्थित केला जात आहे.
Image