राममंदिर भूमीपूजनानिमित्त उदगीरात जल्लोष: विविध मंदिरात आरती व पूजा


उदगीर : आज बुधवारी आयोध्या येथे श्रीराम मंदिराच्या बांधकामाचे भूमिपूजन पंतप्रधान नरेंद्र मोदी यांच्या हस्ते करण्यात आले. रामभक्तांची अनेक वर्षांची इच्छा पूर्ण होत असल्याने उदगीर शहरातील रातभक्तांनी विविध मंदिरात आरती, पूजा करून फटाके फोडून जल्लोष साजरा केला.


अयोध्या नगरीत श्रीरामाचे मंदिर व्हावे ही रामभक्तांची अनेक वर्षांपासूनची इच्छा होती. न्यायालयाच्या निर्णयानंतर ही जागा राममंदिराचीच असल्याचे जाहीर करण्यात आले. यासाठी देशभरात आंदोलने करण्यात आली होती. आज पंतप्रधान नरेंद्र मोदी यांच्या हस्ते श्री राम मंदिराच्या बांधकामाचे भूमिपूजन होणार असल्याचे जाहीर करण्यात आल्यानंतर रामभक्तांमध्ये उत्साह संचारला. या पार्श्वभूमीवर उदगीर शहरातील हनुमान कट्टा येथील हनुमान मंदिरात नगरसेवक मनोज पुदाले यांच्या पुढाकारातून आरती व लाडू वाटपाचा कार्यक्रम घेण्यात आला. यावेळी भाजप अनुसूचित जाती मोर्चाचे प्रदेशाध्यक्ष माजी आमदार सुधाकर भालेराव, जिल्हा परिषद अध्यक्ष राहुल केंद्रे, नगराध्यक्ष बस्वराज बागबंदे, उपाध्यक्ष सुधीर भोसले, नगरसेवक रामचंद्र मुक्कावार, ऍड. दत्ताजी पाटील, ऍड. सावन पस्तापुरे, रामेश्वर पवार, उदयसिंह ठाकूर, बाळासाहेब पाटोदे, अमोल अनकल्ले, माधव टेपाले, मनोज धावडे यांच्यासह भाजपा कार्यकर्ते उपस्थित होते. राममंदिर येथे भाजपा महिला आघाडीच्या वतीने जल्लोष साजरा करण्यात आला. यावेळी उत्तरा कलबुर्गे, उषा माने, मधुमती कनशेट्टे, अनिता नेमताबादे, मीनाक्षी स्वामी यांची उपस्थिती होती.


Popular posts
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
उदगीरात महिला बचत गटातील सदस्यांचे आर्थिक साक्षरता प्रशिक्षण शिबीर संपन्न नगर परिषदेच्या उपक्रम: जागतिक महिला दिनाचे औचित्य
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image