ग्रामीण भागामध्ये बचत गट बनले स्वावलंबी: बँक आपल्या गावी एसबीआय चा पुढाकार- प्रबंधक अविराज गवळी

ग्रामीण भागामध्ये बचत गट बनले स्वावलंबी:


बँक आपल्या गावी एसबीआय चा पुढाकार- प्रबंधक अविराज गवळी


उदगीर : (डि. के. उजळंबकर)


सध्या कोरोनाच्या सावटाखाली लॉकडाउन मध्ये गाव पातळीवरील बचत गटांना अर्थसहाय्य करत सक्षमीकरण करण्यासाठी व शासनाच्या महिला सक्षमीकरण योजनेअंतर्गत लघु उद्योगासाठी स्टेट बँक ऑफ इंडिया सदैव तत्पर असून थेट गाव पातळीवर जात संबंधित बचत गटांना अर्थसहाय्य करत असून बँक आपल्या गावी संकल्पना राबवीत बँक आपल्या गावी असल्याचे मत सह प्रबंधक अविराज गवळी यांनी व्यक्त केले. यामुळे ग्रामीण भागातील बचत गटांना थेट बँकेत न बोलता त्यांना गाव पातळीवर अर्थसहाय्य करण्यासाठी बँक तेथे गाव ही योजना सध्या बँकेच्या वतीने चालू करण्यात आली आहे.


गेल्या सहा महिन्यापासून या परिसरामध्ये कोरोनामुळे लॉकडाऊन चालू आहे. या काळामध्ये अनेकांच्या नोकऱ्या गेल्या ज्यांचं पोट हातावर होतं त्यांनासुद्धा जगणं मुश्किल झालं. परंतु गाव पातळीवरील बचत गटांना थेट गावात जाऊन अर्थसहाय्य करण्याचा पुढाकार स्टेट बँक ऑफ इंडिया या बँकेने घेत बचत गटांना स्वावलंबी करण्याचा प्रयत्न व त्यांना अर्थसहाय्य करत एक प्रकारे गटांना सक्षमीकरण करत असल्याचे दाखवून दिली आहे असे मत बँकेचे सहप्रबंधक अविराज गवळी यांनी प्रत्येक गावात बचत गटांना कर्ज वाटप करताना ते बोलत होते. यावेळी मुख्य प्रबंधक सुब्रमण्यम यांनीसुद्धा मार्गदर्शन केले. ते म्हणाले की आपली बँक जिव्हाळ्याची बँक म्हणजे स्टेट बँक ऑफ इंडिया याठिकाणी गरजवंत बचतगटांना गाव तेथे बँक हे तत्व वापरत आम्ही सदैव तत्पर आहोत हे दाखवून दिले असल्याचे सुद्धा त्यांनी सांगितले.


स्टेट बँक ऑफ इंडिया व उदगीर पंचायत समितीच्या वतीने तालुक्यातील तोंडार लोणी हकनकवाडी माळेवाडी पिंपरी मादलापूर मांजरी शिरोळ जानापुर इत्यादी 10 गावातील बचत गटांना 85 लाखाचे कर्ज वाटप करण्यात आले. यामुळे एक प्रकारे बचत गटांना थेट गावापर्यंत जात लघु उद्योगासाठी अर्थसहाय्य करण्याचा प्रयत्न असल्याचे मत स्टेट बँक ऑफ इंडियाचे सह प्रबंधक अविराज गवळी यांच्या माध्यमातून तालुक्यातील दहा गावातील 70 बचत गटांना तब्बल 85 लाख रुपयाचे कर्ज वाटप यावेळी करण्यात आले या कार्यक्रमासाठी पंचायत समितीचे विस्तार अधिकारी बालाजी दापके बँकचे कृषी सहाय्यक नागेश माळी फिल्ड ऑफिसर नितीन शेंडे राहुल भांजे विकास कांबळे गावाचे सरपंच ग्राम पंचायत सदस्य उपसरपंच व ज्येष्ठ नागरिक बँकेचे कर्मचारी मोठ्या संख्येने उपस्थित होते.


Popular posts
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
*स्व. खाशाबा जाधव राज्यस्तरीय कुस्ती स्पर्धा* *आकाश, ओंकार, रणजित, विशाल यांनी गाजविला उद्घाटनाचा दिवस*
Image
*वाद-विवाद स्पर्धेच्या ढाल विजयाचे मानकरी ठरले परभणीचे गांधी विद्यालय*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
हरिश्चंद्र बिराजदार सारख्या खेळाडूंमुळे लातूरचे नाव देशपातळीवर पोहोचले : ना. संजय बनसोडे
Image