उदगीर : केंद्र सरकारने पारित केलेल्या कृषी विधेयकाच्या समर्थनासाठी उदगीर भारतीय जनता पार्टी तर्फे आघाडी सरकारने काढलेल्या स्थगिती आदेशाची होळी करून महाआघाडी सरकारचा जाहीर निषेध करत उदगीर कृषी उत्पन्न बाजार समितीच्या समोर निदर्शने करण्यात आली.
कृषी उत्पन्न बाजार समिती उदगीर येथे भारतीय जनता पक्षाच्या वतीने केंद्र सरकारने पारित केलेल्या कृषी विधेयकाची बाजू मांडण्यासाठी व शेतकरी हिताचा हा कायदा आहे हे पटवून देण्यासाठी, तसेच राष्ट्रपतिद्वारा स्वाक्षरी करून कायदा पारित झालेला असताना त्याला कोणतेही राज्य सरकार स्थगिती देऊ शकत नाही किंवा आव्हान देऊ शकत नाही, महाआघाडी सरकारने केंद्राच्या कृषी विधेयकाच्या अंमलबजावणीबाबत स्थगिती आदेश काढून आपला करंटेपणा दाखवून दिलेला आहे त्यांना शेतक-यांच्या प्रति कोणतीही आस्था नसून या कृषी विधेयकामुळे शेतक-यांचे कल्याण होणार आहे. व नरेंद्र मोदी सरकार हे शेतकर्-यांचे सरकार म्हणून पुढे येणार असल्यामुळे राज्य सरकारने या विधेयकाला स्थगिती देण्यात आली असल्याचा आरोप करीत या स्थगिती आदेशाची होळी उदगीर शहर भारतीय जनता पक्षातर्फे करण्यात आली.
या आंदोलनात माजी आ. गोविंद केंद्रे, भाजपाचे प्रदेश सचिव नागनाथ निडवदे, जिल्हा परिषदेचे अध्यक्ष राहुल केंद्रे, नगराध्यक्ष बस्वराज बागबंदे, भगवान पाटील तळेगावकर, ओबीसी मोर्चा जिल्हाध्यक्ष बापूसाहेब राठोड, उपनगराध्यक्ष सुधीर भोसले, भाजपाचे तालुका अध्यक्ष बसवराज रोडगे, शहर अध्यक्ष उदयसिंह ठाकुर पं. स.माजी उपसभापती रामदास भाई बेंबडे, पं.स.सदस्य सुभाष कांबळे, नगरसेवक मनोज दादा पुदाले, बापूराव येलमटे, अॅड दत्ता पाटील, राजकुमार मुक्कावार, नागेश अष्टुरे, पप्पू गायकवाड, आनंद बुंदे, जिल्हा सचिव साईनाथ चिमेगावे, महिला आघाडीच्या प्रदेश सदस्य उत्तर कलबुर्गे, शामला कारामुगे, मधुमती कनशेट्टे, जिल्हा उपाध्यक्ष दिलीप मजगे, संजय पाटील,आनंद साबणे , युवा मोर्चाचे तालुका अध्यक्ष अमोल निडवदे,संतोष बडगे,रवींद्र बेद्रे देवीलाल कांबळे, प्रीतम, व्यंकट काकरे, सुरज हंद्रगुळे, आदींसह पक्ष पदाधिकारी मोठया संख्येने उपस्थित होते.
उदगीर शहर भारतीय जनता पार्टीचे अध्यक्ष उदयसिंह ठाकूर यांनी आंदोलनाचे सर्व नियोजन केले. तर कार्यक्रमाचे सूत्रसंचालन गणेश गायकवाड यांनी केले.
