... तर लातूरची जनता सत्ताधार्‍यांना माफ करणार नाही माजी पालकमंत्र्यांचा विद्यमान पालकमंत्र्यांना इशारा

... तर लातूरची जनता सत्ताधार्‍यांना माफ करणार नाही


माजी पालकमंत्र्यांचा विद्यमान पालकमंत्र्यांना इशारा


लातूर/प्रतिनिधी ः तत्कालीन मुख्यमंत्री देवेंद्र फडणवीस यांनी लातूर महानगरपालिकेने एसटीपी प्रकल्प उभा राहावा याकरीता विशेष बाब म्हणून २०० कोटी रुपयांचा निधी मंजूर केला होता. शहरातील सांडपाण्यावर प्रक्रिया करून उपलब्ध होणारे पाणी लातूर येथील अतिरिक्त औद्योगिक वसाहतीत उभारल्या जाणार्‍या मराठवाडा रेल्वे बोगी प्रकल्पाला देण्याचा करारही करण्यात आलेला आहे. या सांडपाणी प्रक्रिया प्रकल्पासाठी मनपातील तत्कालीन भाजपा सत्ताधार्‍यांनी निविदा प्रक्रियाही पूर्ण केली होती. मात्र हा प्रकल्प अजूनही सुरू झालेला नसून यामुळे मराठवाडा रेल्वे बोगी प्रकल्पास पाण्यास टंचाई निर्माण होण्याची शक्यता आहे. पाणीटंचाईमुळे हजारो लोकांना रोजगार देणारा मराठवाडा रेल्वे बोगी प्रकल्प लातूर येथून गेला तर लातूरची जनता सत्ताधार्‍यांना माफ करणार नाही, असा इशारा माजी पालकमंत्री संभाजी पाटील निलंगेकर यांनी विद्यमान पालकमंत्री अमित देशमुख यांना अप्रत्यक्षरित्या दिला आहे. खा. सुधाकर श्रृंगारे यांच्या अध्यक्षतेखाली काल जिल्हाधिकारी कार्यालयाच्या नवीन सभागृहात बैठक पार पडली. यावेळी माजी पालकमंत्री निलंगेकर यांनी प्रशासकीय अधिकार्‍यांची झाडाझडती घेऊन एसटीपी प्रकल्प उभारला जात नसल्याबद्दल नाराजी व्यक्त केली.


 


लातूर जिल्ह्यासह मराठवाड्याच्या विकासाला वेगाने चालना मिळावी आणि बेरोजगारांना रोजगार प्राप्त व्हावा या उद्देशाने तत्कालीन पालकमंत्री संभाजी पाटील निलंगेकर  यांच्या पाठपुराव्यातून लातूर येथे देशातील चौथा रेल्वे बोगी प्रकल्पास मंजुरी मिळाली आहे. या बोगी प्रकल्पाचे काम वेगाने सुरू झाले असून लवकरच हा प्रकल्प पूर्णत्वास जाणार आहे. लातूरला जाणवणारी पाणीटंचाई यामुळे या प्रकल्पास पाण्याची कमतरता भासू नये म्हणून तत्कालीन मुख्यमंत्री देवेंद्र फडणवीस यांनी विशेष बाब म्हणून लातूर महानगरपालिकेला सांडपाण्यावर प्रक्रिया करणारा प्रकल्प (एसटीपी) उभारण्यासाठी २०० कोटी रुपयांचा निधी मंजूर केला. या प्रकल्पातून उपलब्ध होणारे पाणी रेल्वे बोगी प्रकल्पाला देण्याचा करारही झालेला आहे. त्यामुळे या प्रकल्पाला पाण्याची कमरता भासणार नाही आणि मनपाच्या आर्थिक उत्पन्नात भरही पडण्यास मदत होणार आहे. विशेष म्हणजे हा प्रकल्प पूर्ण झाल्यानंतर शहराच्या स्वच्छतेतही मोठी भर पडणार आहे. त्यामुळे हा प्रकल्प जलदगतीने उभारला जावा याकरीता मनपातील तत्कालीन भाजपा सत्ताधार्‍यांनी यासाठी आवश्यक निविदा प्रक्रियाही पूर्ण केली होती. मात्र राज्यासह मनपातही सत्तांतर झाले. या दोन्ही ठिकाणी कॉंग्रेस सत्तेत असली तरी मनपाच्या वतीने उभारला जाणारा एसटीपी प्रकल्प अजूनही सुरू झालेला नाही. किंबहुना हा प्रकल्प कागदावरच आहे. त्यामुळे मराठवाडा रेल्वे बोगी प्रकल्पास पाण्याची कमतरता भासण्याची भीती व्यक्त होत आहीे. त्याचबरोबर शहराच्या अस्वच्छतेतही भर पडत आहे. ही बाब लक्षात घेऊन काल झालेल्या दिशा समितीच्या बैठकीत माजी पालकमंत्री संभाजी पाटील निलंगेकर यांनी मनपाच्या वतीने उभारला जाणारा एसटीपी प्रकल्प अजून का सुरू झाला नाही याबाबत प्रशासनाला विचारणा केली. तसेच राज्य शासनाकडून कोणतीच हालचाल का होत नाही, अशी झाडाझडती घेतली. सत्ताधार्‍यांच्या नाकर्तेपणामुळे हा प्रकल्प पूर्ण झाला नाही आणि मराठवाडा रेल्वे बोगी प्रकल्पास पाण्याची कमतरता भासल्यास याला जबाबदार कोण? असा प्रश्‍नही उपस्थित केला. हा प्रकल्प सुरू न झाल्यास मराठवाडा रेल्वे बोगी प्रकल्प इतरत्र स्थलांतरीत झाल्यास विद्यमान सत्ताधार्‍यांना लातूरची जनता माफ करणार नाही, असा इशारा माजी पालकमंत्री निलंगेकर यांनी विद्यमान पालकमंत्री अमित देशमुख यांना अप्रत्यक्षरित्या दिला आहे. यामुळे लातूरच्या विकासात खोडा निर्माण होऊन बेरोजगारांचा रोजगारही हिरावला जाणार आहे, विशेष म्हणजे लातूर जिल्ह्यासह मराठवाड्यातील बहुतांश जिल्ह्यातील बेरोजगार आपल्याला रोजगार प्राप्त व्हावा याकरीता इतर महानगरांमध्ये स्थलांतरीत होत आहेत. मराठवाड्यातील बेरोजगारांना मराठवाड्यातच रोजगार प्राप्त व्हावा याकरीता या प्रकल्पाची उभारणी केंद्र सरकारच्या वतीने करण्यात येत आहे. या प्रकल्पाच्या माध्यमातून जवळपास १५००० बेरोजगारांना रोजगाराची संधी प्राप्त होणार असून या प्रकल्पासाठी आवश्यक असणार्‍या पूरकर उद्योगांमधूनही विकासाला चालना मिळणार आहे. तरी याबाबीचा विचार सत्ताधार्‍यांनी करावा, असा इशारा माजी पालकमंत्र्यांनी दिला आहे.


Popular posts
*विद्यार्थ्यांचे शिल्पकार शिक्षक* *शिक्षकांचे शिल्पकार*.......... *माननीय श्री रमाकान्तराव बनशेळकीकर गुरुजी*🙏
Image
सरदार वल्लभभाई पटेल शाळेत लॉयनेस क्लब गोल्डच्या पदाधिकाऱ्यांचा सत्कार
Image
कृषी विधेयक स्थगिती अध्यादेशाची उदगीरात भाजपाकडून होळी
Image
*माझे कुटुंब माझी जबाबदारी मोहिमेअंतर्गत जिल्हाधिकारी जी. श्रीकांत यांच्या कुटुंबाची आरोग्य तपासणी*
Image
स्त्रियांचा सन्मान करणारेच खरे शिवरायांचे अनुयायी : दिशा पिंकी शेख उदगीर : छत्रपती शिवाजी महाराजांचे अनुयायी म्हणवून घेणा-यांची संख्या कमी नाही परंतु स्त्रियांचा सन्मान करणारेच ख-या अर्थाने शिवरायांचे अनुयायी असू शकतात असे मत सामाजिक कार्यकर्त्या दिशा पिंकी शेख यांनी व्यक्त केले. उदगीर येथील सार्वजनीक शिवजन्मोत्सव समितीच्या वतीने नगर परिषदेसमोरील प्रांगणात दिशा पिंकी शेख यांचे व्याख्यान पार पडले. यावेळी त्या बोलत होत्या. पुढे बोलताना त्या म्हणाल्या की, छत्रपती शिवाजी महाराजांनी समाजातील अठरा पगड जातींना सोबत घेवून स्वराज्याचे स्वप्न पाहीले व ते पूर्ण केले. आज समाजात जाती जातीत, धर्माधर्मात भेद करणारी मंडळी वाढत आहे. जाती धर्माच्या पलीकउे जावून देशाच विचार करणाराच खरा देशभक्त असल्याचे सांगत त्यांनी छत्रपती शिवाजी महाराज यांनी राज्यकारभार चालविताना आपल्या आईचा सन्मान करून समस्त स्त्री जातीचा सन्मान केला असल्याचे सांगितले. आज मात्र आपली आई, बहीण, मुलगी, पुरूषी वर्चस्वाखाली दबून छळली जात आहे. महिलांवरील अत्याचाराचे प्रमाण कमी होण्याऐवजी वरचेवरवाढत चालले आहे. महिलंाना अजूनही वैचारिक स्वातंत्र्य प्राप्त झाले नाही अशी खंत व्यक्त करीत जोपर्यंत स्त्रीयांची वैचारिक गुलामगिरी संपणार नाही तोपर्यंत हा शिवरायाचा महाराष्ट्र होणार नाही असे शेख यावेळी म्हणाल्या. सार्वजनीक शिवजयंती महोत्सव समितीच्या वतीने दोन दिवस कलामहोत्सव पार पडले. या कलामहोत्सवात विद्यार्थ्यांच्या विविध गुणदर्शनाचा कार्यक्रम घेण्यात आला. शहरातील विविध शाळांमधील विद्यार्थ्यांनी या स्पर्धेत सहभाग नोंदविला. या स्पर्धेचे बक्षीस वितरण यावेळी करण्यात आले. कृषि उत्पन्न बाजार समितीचे सभापती सिध्देश्वर पाटील, उपसभापती रामराव बिरादार, जिल्हा युवक काँग्रेसचे अध्यक्ष वियज निटूरे व मान्यवरांच्या हस्ते या स्पर्धेचे बक्षीस वितरण करण्यात आले. स्पर्धेसाठी परीक्षक म्हणून नरेंद्र कठारे, नीता मोरे, काजोल मिरजगावे, संगीता नेत्रगावे, स्वप्नील पकोळे, सुनील कोळी यांनी काम पाहिले. या कार्यक्रमाचे प्रास्ताविक नीता मोरे यांनी केले. पाहूण्यांचा परिचय अनिता यलमटे यांनी करून दिला.
Image