शिवरायांचे आठवा रूप ....शिवरायांचा आठवावा प्रताप ... उदगीरात सार्वजनिक शिवजयंती महोत्सवाचा कार्यक्रम शाहीर सुरेश जाधव यांनी पोवाड्यातून साकारले शिवचरित्र

 शिवरायांचे आठवा रूप ....शिवरायांचा आठवावा प्रताप ...

उदगीरात सार्वजनिक शिवजयंती महोत्सवाचा कार्यक्रम

शाहीर सुरेश जाधव यांनी पोवाड्यातून साकारले शिवचरित्र



उदगीर : शिवरायांचे आठवा रूप....शिवरायांचा आठवावा प्रताप या पोवाड्यातून रयतेचे राजे छत्रपती शिवाजी महाराज यांच्या जयंतीनिमित्त आयोजित कार्यक्रमात शाहीर सुरेश जाधव यांनी उपस्थित शिवभक्तांसमोर शिवचरित्र साकारले.
छत्रपती शिवाजी महाराज यांच्या जयंती चे औचित्य साधून येथील नगर परिषदेच्या प्रांगणात सार्वजनिक शिवजयंती महोत्सव समितीच्या वतीने शाहीर सुरेश जाधव यांच्या पोवाड्याचे आयोजन करण्यात आले होते. या कार्यक्रमाची सुरुवात माजी नगराध्यक्ष राजेश्वर निटूरे, माजी नगराध्यक्ष बस्वराज बागबंदे यांच्या हस्ते छत्रपती शिवाजी महाराज यांच्या प्रतिमेला पुष्पहार अर्पण करून करण्यात आली. यावेळी बाजार समितीचे सभापती सिद्धेश्वर पाटील, उपसभापती रामराव बिरादार, माजी उपनगराध्यक्ष सुधीर भोसले, मादलापूरचे सरपंच उदय मुंडकर, माजी पाणीपुरवठा सभापती मनोज पूदाले, व्यंकटराव पाटील अवळकोंडेकर, बाजार समितीचे संचालक संतोष पाटील किणीकर, माजी नगरसेवक गजानन सताळकर, ऍड. दत्ताजी पाटील, समीर शेख, गणेश गायकवाड, अनिल मुदाळे, धनाजी मुळे, बाळासाहेब पाटोदे, श्याम डावळे, नवनाथ गायकवाड, गोविंद भालेराव,अजय शेटकार, भाजपच्या प्रदेश कार्यकारिणी सदस्या उत्तरा कलबुर्गे, महिला काँग्रेसच्या प्रदेश सरचिटणीस उषा कांबळे, माजी नगरसेविका बबिता भोसले, सरोज वारकरे, उपक्रमशील शिक्षिका नीता मोरे, उद्योजक बिपीन पाटील, सामाजिक कार्यकर्ते बाबासाहेब सूर्यवंशी, ओम गंजुरे, सतीश पाटील, मदन पाटील, नितीन एकुरकेकर, यशवंत पाटील, अंकुश ताटपल्ले, बालाजी पाटील नेत्रगावकर, जिजाऊ ब्रिगेडच्या पुष्पलता जाधव, अनिता जाधव, मंदाकिनी जीवने, बबिता पांढरे यांच्यासह शिवप्रेमी नागरिक उपस्थित होते.
यावेळी आपल्या पोवाड्यातून शाहीर सुरेश जाधव यांनी, शिवरायांची लढाई जाती धर्माच्या विरोधात नव्हती तर ती राजकीय होती असे सांगून देशाचा रक्षक राजा, चारित्र्याचा पालक राजा अशा प्रकारची ओळख असलेल्या छत्रपती शिवाजी महाराजांनी आपल्या राज्यात सर्व जाती धर्माच्या लोकांना न्याय देण्याचे काम केले असल्याचे सांगितले. यावेळी शिवरायांच्या वीरतेचे दर्शन देणारे, राजमाता जिजाऊ च्या शिकवणीचा संदेश देणारे पोवाडे सादर करून शिवरायांचा जयजयकार करण्यात आला.
Popular posts
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image
*स्व. खाशाबा जाधव राज्यस्तरीय कुस्ती स्पर्धा* *आकाश, ओंकार, रणजित, विशाल यांनी गाजविला उद्घाटनाचा दिवस*
Image
*वाद-विवाद स्पर्धेच्या ढाल विजयाचे मानकरी ठरले परभणीचे गांधी विद्यालय*
Image
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
हरिश्चंद्र बिराजदार सारख्या खेळाडूंमुळे लातूरचे नाव देशपातळीवर पोहोचले : ना. संजय बनसोडे
Image