धर्माबाद गोशाळेचे संचालक गिरीश जोशी यांची सोमनाथपुर गोरक्षण संस्थेस भेट

धर्माबाद गोशाळेचे संचालक गिरीश जोशी यांची सोमनाथपुर गोरक्षण संस्थेस भेट

उदगीर : धर्माबाद जि. नांदेड येथील गोशाळेचे संचालक गिरीश जोशी यांनी सोमनाथपुर येथील गोरक्षण संस्थेला भेट देऊन येथील कार्याची माहिती घेतली.
यावेळी संस्थेच्या वतीने रामदास जळकोटे, प्रशांत मांगुळकर, नारायण वाकुडे, नरसिंग कंदले यांच्यासह संस्थेतील कर्मचाऱ्यांनी गिरीश जोशी यांचा यथोचित सत्कार केला.
यावेळी जोशी यांनी सोमनाथपुर येथील गोरक्षन संस्थेच्या कामाची माहिती घेऊन कौतुक केले. राज्यातील गोसेवेसाठी काम करणाऱ्या सर्व संस्थांनी एकत्रित येऊन राज्यसरकार वर दबाव टाकून गोसेवा आयोग निर्माण करून घेण्यासाठी प्रयत्न करणे गरजेचे असल्याचे त्यांनी यावेळी सांगितले. जेणेकरून या आयोगाच्या माध्यमातून अशा गोसेवेसाठी काम करणाऱ्या संस्थाना शासनाची मदत मिळविता येईल असेही यावेळी जोशी म्हणाले.