*जागतिक वन दिनी जिल्हाधिकारी रमल्या फुलांच्या-पक्षांच्या सान्निध्यात !*

 *जागतिक वन दिनी जिल्हाधिकारी रमल्या फुलांच्या-पक्षांच्या सान्निध्यात !*




लातूर : जागतिक वन दिनानिमित्त वन विभागाने आयोजित केलेल्या वन सफरीत सहभागी होत जिल्हाधिकारी वर्षा ठाकूर-घुगे फुलांच्या, पक्षांच्या सान्निध्यात रमून गेल्या. यावेळी त्यांनी तीन तास वन सफर करीत साखरा उद्यानातील वृक्ष, पक्षी यांची माहिती जाणून घेतली.


सहायक वनसंरक्षक वृषाली तांबे, वनपरिक्षेत्र अधिकारी सचिन रामपुरे, वनपरीमंडळ अधिकारी निलेश बिराजदार, जैवविविधता समिती सदस्य शहाजी पवार, पक्षीमित्र राहुल जवळगे यावेळी उपस्थित होते.


लातूर जिल्ह्यातील या जैवविविधतेचे जतन संवर्धन करण्याबाबत त्यांनी वनाधिकारी व जैवविविधता समिती सदस्यांशी जिल्हाधिकारी ठाकूर-घुगे यांनी मनमोकळा संवाद साधला. सर्वसाधारणपणे पक्षी व वन्यजीवांच्या निरीक्षणासाठी सूर्योदयाची वेळ योग्य असते, हे जाणून जिल्हाधिकारी ठाकूर-घुगे ह्या सकाळीच साखरा उद्यानात दाखल झाल्या. यावेळी त्यांच्या हस्ते वृक्षारोपन करण्यात आले.  साखरा व अंकोली येथील वनक्षेत्राची जिल्हाधिकारी यांनी पहाणी केली. माळरानावरील जैवविविधता, विविध वन्यप्राण्यांच्या पावलांचे ठसे त्यांनी पहिले. 


वन्यजीवांसाठी तयार करण्यात आलेले कृत्रीम पाणवठे, तसेच शिकारी पक्षाच्या प्रजातीबाबत माहिती त्यांनी जाणून घेतली. वनपरीक्षेत्रात लावण्यात आलेली झाडे उन्हाळ्यातही जगावीत यासाठी त्यांनी पाण्याचे नियोजन करण्याच्या सूचना केल्या. यासाठी लोकसहभाग वाढवण्यातबाबत पुढाकार घेणार असल्याचे त्यांनी सांगितले. साखरा येथील बटर फ्लाय गार्डन तसेच घनवनात असलेले विविध पक्षी व फुलझाडे यांची पाहणी केली. जिल्ह्यातील नैसर्गिक संपत्ती जपण्यासाठी सर्वांनी पुढाकार घ्यावा, असे आवाहन त्यांनी यावेळी केले.

******

Popular posts
संवेदना दिव्यांग औद्योगिक प्रशिक्षण संस्थेच्या वतीने 14 जूनला उदगीरात आयटीआय प्रवेश मार्गदर्शन मेळाव्याचे आयोजन
हैदराबाद-बीदर इंटरसिटी उदगीरपर्यंत करा दक्षिण मध्य रेल्वेच्या महाव्यवस्थापकांची उदगीर रेल्वेस्थानकास भेट: शिष्टमंडळाची सकारात्मक चर्चा
Image
श्रमदानाने महिलांनी केला जागतिक महिला दिन साजरा : ग्रीन आर्मीचा पुढाकार उदगीर : वृक्षलागवड करून त्यांचे संवर्धन करीत पर्यावरणाची जपणूक करण्याच्या कामात सतत अग्रेसर असलेल्या ग्रीन आर्मी या संघटनेच्या माध्यमातून जागतिक महिला दिनाचे औचित्य साधून महिलांनी श्रमदान करीत आगळ्यावेगळ्या पद्धतीने हा दिवस साजरा केला. देगलूर रोडवरील पाटबंधारे कार्यालयाच्या परिसरात ऑक्सिजन पार्क निर्माण करण्याचा संकल्पही या निमित्ताने करण्यात आला. यावेळी मुख्याधिकारी भारत राठोड यांची प्रमुख उपस्थिती होती. ग्रीन आर्मीच्या वतीने गत जून महिन्यात या परिसरात वृक्ष लागवड करण्यात आली होती. यातील बरीच झाडे जगली असून त्यांच्या संवर्धनासाठी आज महिलांनी श्रमदान करीत झाडांना पाणी घातले. पशुवैद्यकीय महाविद्यालयाच्या विद्यार्थ्यानीही या श्रमदांनात सहभाग नोंदविला. या ऑक्सिजन पार्कसाठी रश्मी सूर्यवंशी यांनी दहा झाडे भेट देवून ती जगविण्याचा संकल्प केला. या कार्यक्रमासाठी ग्रीन आर्मीच्या अध्यक्षा अरुणा भिकाने, अर्चना नळगीरकर,अनिता यलमटे, शोभाताई कोटलवार, सरिता खोडे, रश्मी सूर्यवंशी, साधना रायवाड, वर्षा कोटलवार आदींनी पुढाकार घेतला. डॉ. अनिल भिकाने, विश्वनाथ बिरादार माळेवाडीकर, गोपालकृष्ण नळगीरकर, ज्ञानेश्वर हंडरगुळीकर, पत्रकार विक्रम हलकीकर, ऍड. निशांत धवलशंख यांच्यासह पाटबंधारे विभागातील कर्मचारी उपस्थित होते.
Image
*आचारसंहितेचे उल्लंघन होतेय ? मग, सीव्हिजिल ॲपवर तक्रार करा* · पहिल्या १०० मिनिटाच्या आत मिळतो प्रतिसाद
Image
*किडझी स्कुल चे झाँकी हिंदुस्थान की वार्षिक स्नेह संमेलन उत्साहात साजरे......*
Image